Битеуроссей студент оюнлагъа хазырланыуну сюзгендилеБу кюнледе Шимал-Кавказны исскусстволаны Шимал-Кавказ къырал институтунда болгъан жыйылыуда сёз "Аскер искусстволаны Битеуроссей студент оюнларыны" юсюнден баргъанды. Ала СКГИИ-де 15 эмда 16 октябрьде бардырыллыкъдыла, 30 эмда 31 октябрьде уа Къабарты-Малкъар къырал университетни физкультура-саулукъ сакълау спорт комплексинде ётерикдиле. Оюнла бийик окъуу юйлени келишимлерине тийишлиликде Ставрополь шахарда 15 ноябрьде къууанчлы халда бошаллыкъдыла. Къурау комитетни жыйылыууна СКГИИ-ни проректору Эфендиланы Фуад, проектни куратору Алина Ковалева, проектни башчысы Артём Челикин, Аскер искусство оюнла жаны бла спорт программаланы башчысы, КъМР-де Бокс федерацияны тренери Юрий Мамбетов, толтуруучу директор Къазийланы Михаил, тхэквондодан 7-чи данны устасы, РФ-де Тхэквондо федерацияны президенти Юрий Кан, дагъыда республикада спорт федерацияланы башчылары да къатышхандыла. Быйыл оюнланы программасына спортну самбо тюрлюсю да кийирилгенди. Эришиулеге 500-700 адам къатышырыкъды деген оюм барды. Ала битеу санитар болумланы къаты сакълау бла бирге бардырыллыкъдыла. Оюнла 2021 жылда жаш тёлю проектлени Битеуроссей конкурсну чеклеринде бардырыладыла. Анга Искусстволаны Шимал-Кавказ къырал институту да къатышып, "Спорт, ЗОЖ, туризм" деген номинацияда хорлам болдургъанды.
Поделиться:
Читать также:
26.04.2024 - 17:33 →
Биринчиликни ычхындырмагъанды
26.04.2024 - 09:30 →
Эм кючлю – республикабызны къаууму
26.04.2024 - 08:15 →
Эм ариу спортда – алчы жерле
25.04.2024 - 15:30 →
Районну атындан терскъолчула эриширикдиле
25.04.2024 - 09:30 →
Гёжефлерибизде – тёрт майдал
|