«Петербург жаз башындан» - майдалла

«Петербург жаз башы» деген ат бла шимал ара шахарыбызны «Комета» спорт комплексинде каратеден тёрели битеукъырал эришиу бардырылгъанды. Анга Россейден бла жууукъдагъы тыш къыралладан мингден аслам жаш эм абадан спортчу къатышхандыла.

Сермешгенлени араларында Элбрус районну олимпиада резервли спорт школундан каратечиле да болгъандыла, ала алчы жерлеге да чыкъгъандыла. 8-9-жыллыкъ спортчуланы араларында Мария Шмакова хорлагъанды, Уяналаны Халид бла Ислам Юнусов ючюнчюле болгъандыла. 10-11-жыллыкълада алтын майдалланы Забакъланы Джамиля бла Оракъланы Алий алгъандыла, «кюмюшню» Лиана Хотчукова къытханды. 12-13 жыл сан къауумда Ангелина Лазаренко – биринчи, Эльмира Керимова – экинчи болгъандыла. Спортчуланы тренерле Руслан Нахушев, Евгений Могилевец, Владимир Юнусов бла Тенгиз Калдани юйретедиле.

Абадан жыл сан къауумда 60 килограмм ауурлукъда Тамерлан Мухин хорлагъанды. 84 килограммдан аслам ауурлукъ къауумда Тенгиз Калдани ючюнчю болгъанды.