Атабийланы Маликаны кезиулю хорламы«Таврида» грант конкурсда биринчи жерни жерлешибиз Атабийланы Малика алгъанды. Ол «Тишина гор» деген проекти бла бир миллион сом къытханды. Муратларыны юсюнден айта, Малика ала къарачай-малкъар тилде толу метражлы фильм алдырлыкъларын, аны музыканы жаны бла айбатландырыугъа уа Шимал Кавказны шёндюгюлю композиторларыны чыгъармалары хайырланыллыкъларын билдиргенди. -Бу проект жаш тёлюню эсин миллет маданиятха бурлугъуна ышанабыз, фильм Къабарты-Малкъарда, Къарачай-Черкесде, Шимал Осетия-Аланияда бла Ставрополь крайда кёргюзтюллюкдю,- дегенди ол. «Таврида» конкурс Жаш тёлюню ишлери жаны бла федерал агентствону башламчылыгъы бла «Россей – онгланы къыралы» платформаны чеклеринде бардырылады. Анга быйыл 26 проект жиберилгенди, эксперт комиссия аладан онусун сайлагъанды, аланы тамамлаугъа 5 миллион 957 минг сом бёлюннгенди.
Поделиться:
Читать также:
26.04.2024 - 16:46 →
Черек жагъала таза болурча
26.04.2024 - 09:55 →
Газет -заманны кюзгюсюдю
26.04.2024 - 09:05 →
Бахчаларында - кезиулю ишле
24.04.2024 - 16:43 →
Ангылатыу
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
|