Эсепле чыгъарылгъандыла, тийишли буйрукъла берилгендилеРоссейни МВД-сыны Нальчикде управлениясыны жылны аллындан бери оператив ишини эсеплери чыгъарылгъандыла эмда ючюнчю кварталда толтурургъа тийишли жумушланы белгилегендиле. Кенгешге КъМР-де ич ишле министрни орунбасары – следствие управленияны башчысы юстицияны полковниги Олег Попов, КъМР-де МВД-ны штабыны тамата инспектору ич службаны полковниги Сергей Афаунов эм башхала къатышхандыла. Управленияны бёлюмлери жылны аллындан бери толтургъан ишни юсюнден докладны УМВД-ны штабыны таматасы ич службаны полковниги Анзор Альборов этгенди. Аны айтханына кёре, мурдарлыкъ, адамны саулугъуна билип ауур заран салыу, уручулукъ, талауур, наркотиклени законсуз сатыу-алыу дегенча аманлыкъланы тинтиу игиленнгенди. Дагъыда аманлыкъ этилгенден сора къысха заманны ичинде ачыкъланнган кезиуле кёбейгендиле. Право низамны сакълаучу башха ведомстволаны эм Нальчикни жер-жерли самоуправление органларыны болушлукълары бла 217 жамауат-политика, культура, спорт, дин бла байламлы жыйылыулада къоркъуусузлукъну бла тынчлыкъны жалчытыу жаны бла магъаналы иш тамамланнганды. Докладчы аланы кезиуюнде бузукълукъла болдурулмагъанларына энчи эс бургъанды. Кенгешде управленияны бёлюмлерини таматалары да ишлерини эсеплерин чыгъаргъандыла, оператив халны ышаннгылылыгъын игилендириу жаны бла къаллай мадарла толтурулгъанларын билдиргендиле. Жыйылыуда сюзюлген соруула бла байламлы тийишли буйрукъла берилгендиле.
Поделиться:
Читать также:
06.05.2024 - 13:24 →
Терроризмни башын жулургъа кюрешип
06.05.2024 - 13:24 →
Эркинликлери болмай тохтагъандыла ишге
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
|