Миллет кийимле, сейир оюнла, концерт да

Быйылны башында   республиканы Маданият фонду  миллет биригиулени  араларында  Россейни кюнюне жораланнган  сурат конкурс бардыргъанды.  Бу кюнледе уа  анда хорлагъанланы  атлары туура этилгенди. Аланы хурметлерине  уллу жыйылыу эмда концерт программа  къуралгъанды. Маданият фондну башчысы  Люаза Макоева билдиргеннге кёре, конкурсха республикада жашагъан миллетлени биригиулеринден,  Жабагъы Казаноко атлы  эстетика  арадан да тюрлю-тюрлю жыл санда  40 адам къатышханды.

  Саугъалаугъа жораланнган бу жыйылыугъа да  миллет-культура араланы  башчылары  тынгылы хазырланнгандыла. Сёз ючюн,  «Днепро»  «Ата журтум-махтал!» деген ат бла  китап-сурат кёрмюч къурагъанды.  «Насыпны чыпчыкълары» жамауат организацияны  келечилери уа   миллет  кийимле келтиргендиле,аланы юлешген да этгендиле. Ала дагъыда сейир оюнла да къурагъандыла.

  Хорлагъанлагъа эмда конкурсха тири къатышханлагъа  Маданият фондну дипломлары, тюрлю-тюрлю саугъала да  берилгендиле. Концертде жырлагъанла, назму айтханла да саугъасыз къалмагъандыла.