Буз булутланы чачхан энтта да бир пункт ишлене турадыКъабарты-Малкъарда сабанланы эмда эл мюлк жерлени буз ургъандан къоруулау жумушлагъа быйыл 25 миллион сом бёлюнюрюкдю, деп билдиргендиле республиканы Эл мюлк министерствосундан. «Буз ургъан жаны бла бизни регион саулай Россейде окъуна эм къоркъуулуладан бирине саналады. Аны себепли хар жыл сайын республиканы бюджетинде тийишли жумушлагъа ахча бёлюнмей къалмайды. Быйыл аны ёлчеми 25 сом боллукъду. Сёз ючюн, дегенде, былтыр юч миллион сомгъа азыракъ бёлюннген эди», - деп белгилегенди эл мюлк министр Хасан Сижажев. Министерствода айтханларына кёре, республиканы тийресинде буз булутланы чачхан 32 пункт барды, шёндю ала бары да ишге хазырдыла. «Чегем эмда Бахсан районланы чегинде – Кишпек элде, быйыл энтта да бир пункт ачаргъа умут этебиз. Шёндю анда хазырланыу ишле барадыла. Саулай айтханда уа, тийишли установкаланы хайыры бла буз ургъандан 481 мингден артыкъ гектар жер къорууланады», - дегенди министр.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
|