Россельхозбанкны карталарын сайлагъанлагъа къошуладыБыйыл биринчи апрельни эсеплерине кёре, Россельхозбанкны Къабарты-Малкъарда бёлюмюню (РСХБ) тёлеу карталарын тутханланы саны 165 минг адамгъа жетгенди. Алай бла жыл башланнганлы 2 минг карта берилгенди, неда былтыр бу кезиуден 1,3 кереге кёп, деп билдириледи финанс учрежденияны пресс-службасындан. Клиентлерине тап болурча банк тюрлю-тюрлю амалланы айныта барады. Ол санда бюгюнлюкде республикада 33 банкомат барды, аладан 15 Нальчикде эм къалгъанлары да жамауат аслам жюрюген жерледе орналадыла. Аланы кёбюсю кече-кюн да ишлейдиле. Бюгюнлюкде филиалны себеплиги бла иш хакъны 234 организация алады. Аны бла бирге быйыл биринчи кварталда алты уллу предприятие бла келишим этилгенди. - Россельхозбанкны пластик карталарын республикада танг кесек адам хайырланады эмда алагъа дайым къошула барады. Аны баш сылтауларындан бирлери тюрлю-тюрлю финанс операцияла бардырыргъа - жашау журт-коммунал мюлк жумушлагъа, сотовый связьгъа, спутник телевидениягъа юйден чыкъмай тёлерге неда бир картадан башхасына ахча ётдюрюрге жарагъаныды, дейди Россельхозбанкны бёлюмюню таматасы Алим Сокуров.
Поделиться:
Читать также:
08.05.2024 - 13:29 →
Ток бла сылтасусуз болурча
08.05.2024 - 13:27 →
Къоранчланы азайтыргъа онг табылгъанды
08.05.2024 - 13:26 →
Эм иги предприятияланы белгилегендиле
08.05.2024 - 08:03 →
Теплицада заранлы къурт-къумурсхала болмазча
07.05.2024 - 08:25 →
Къалайда да жарыкъ болурча
|