Къурулуш бардыргъанда изленнген документлени хазырларгъа болушурукъдулаРосреестрни Кадастр палатасы 4 мартда вебинар бардырлыкъды. Анда ведомствону специалистлери эркинлик алмай сюерге жарагъан объектлени документлерин къалай жарашдырыргъа кереклисин ангылатырыкъдыла. Бу информация кадастр инженерлеге, риелторлагъа, юристлеге, жер-жерли администрацияланы келечилерине да магъаналы боллукъду, дейдиле Росреестрде. Кёп болмай РФ-ни Шахар къурулуш кодексини 51 статьясыны 17-чи номерли кесегине тюрлениуле кийирилгенди. Алагъа кёре эркинлик алмай ишлерге жарагъан объектлени тизмеси кенгертилгенди. Аны себепли мында къаллай къагъытла керек боллугъун билгенини хатасы боллукъ тюйюлдю. • Декларацияда эмда техника планда жерни хайырланыу эмда къурулушну бардырыу жорукъла къачан кюч алгъанларын нек кёргюзтюрге керекди? • Жер-жерли самоуправление органлагъа жолну эмда суу быргъыны законлу халгъа къалай кёчюрюрге боллукъду? • Иеси болмагъан (жеринден тепдирилмеген) мюлкню учётха тюз къалай салыргъа боллукъду? • Мекямны реконструкциясын этерча къаллай документле керекдиле? Былагъа эмда башха соруулагъа Пенза областьда Кадастр палатаны башчысыны орунбасары Константин Дубовкин жууап берликди. Айтханыбызча, вебинар 4 мартда кюндюз сагъат онбирде бардырыллыкъды. Анга къатышырча бу сайтха кирирге керекди: https://webinar.kadastr.ru/webinars/ready/detail/123
Поделиться:
Читать также:
24.04.2024 - 16:43 →
Ангылатыу
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
|