Жол

Сегиз адам жаралы болгъанды

Пассажирлени жюрютген «Газель» машина авариягъа тюшгени бла байламлы шартла  тинтиледиле.

Баш кюн эрттенликде 9 сагъатда 15 минутда «Кавказ» федерал жолну 457-чи километринде. Нартаннга кирген жерде «Лада Калина» эм «Газель» къагъышхандыла.

 Аварияны кезиуюнде ачыгъан сегиз адам медицина учреждениялагъа жетдирилгендиле. Аладан тёртюсюню медицина болушлукъ керек болмагъаны   бла байламлы юйлерине ашырылгъандыла.

 Полициячыла аварияны сылтауларын тинтедиле.

Сабий ачыгъанды

16 сентябрьде эрттенликде 7 сагъат 44 минутда Нальчикде Чернышевский эм Кешоков атлы орамла бирге къошулгъан жерде «Рено» эм пассажирлени жюрютген «Газель» къагъышхандыла. Толу болмагъан шартлагъа кёре, аварияда жаралары бла саулукъ сакълау учреждениялагъа 8 адам жетдирилгенди. Аланы арасында акъылбалыкъ болмагъан да барды.

Полициячыла  аварияны сылтауларын тинтедиле.

Биягъы «Газель» авариягъа тюшгенди 

Бу кюнледе Нальчикде Мальбахов атлы орамда сегизжыллыкъ къызчыкъ авариягъа тюшгенди. Толу болмагъан шартлагъа кёре, пассажирлени жюрютген «Газельни» водители, светофорну къызыл бегисине да къарамай, жолда къызыннганды. Ол алайда жаяу адамлагъа барыргъа эркин этилген жерде светофорну жашил белгисине жолдан ётерге тебиреген къызчыкъны басдыргъанды. 

Саулукъ сакълау министерстводан белгили этгенлерича, къызчыкъ Республикалы сабий клиника больницагъа жетдирилгенди. Ол реанимация бёлюмдеди. Медикле анга битеу тийишли болушлукъ этедиле.