Мал аш хазырлау къыстау барады

Къабарты-Малкъарны аграрчылары къыш сууукълагъа къыстау мал аш хазырлайдыла. Бюгюнлюкде   мюлкледе биченден, саламдан эм сенаждан 471,5 минг тонна чакълы  къыстырыкъ этилгенди. Саулай айтханда, ол керек ёлчемни 90 проценти болады.  Аны  бла бирге мал ашны башха тюрлюлери да мажарылады, мында баш магъана  силосха бериледи.  Хайыуанланы жаз башына дери кечинлирирча   117 минг тонна керек боллукъду. Шёндю уа жаланда  8 мингтонна хазыр этилгенди.  Аны асламысы бу айны ахырына жыйыллыкъды.

Чыгъарылгъан эсеплеге кёре, мал аш былтыр бу замандан эсе кёп жыйылгъанды. Сёз ючюн, бусагъатда хар тууаргъа 16 центнер хазыр этилгенди. Ол а былтыр бу заман бла тенглешдиргенде 103 процентге кёпдю. Болсада жууукъ  заманда аны ёлчемин 22-23 центнерден аз этмезге   тийишлиди.