Тыш къыралладан адамланы ишге ала эсегиз

Тыш къыралладан келгенлени эм гражданстволары болмагъан адамланы иш бла жалчытхан организацияла аланы кеслерине урунургъа алгъанда, борчлу халда страхование этиу системада эсепге тюшюрюрге керекдиле.

Аны ючюн тыш къыралланы келечилери ишлеринде анкетаны толтурургъа эм паспортларыны неда башха документлерини копияларын берирге тийишлидиле. Ол документ тыш къыраллы тилде жазылып эсе, аны орус тилге кёчюрюлген эм нотариус къол салгъан копиясы изленирикди.

Россейде дайым жашагъан алай аны гражданлары болмагъан адамла мында турур жерлери болгъаныны юсюнден къагъыт, къыралда болжаллы халда жашагъанла уа анга эркинликлери болгъан документни неда визаны, къыралланы араларында байламлыкъ аллай эсе, берирге керекдиле.   

Ызы бла толтурулгъан анкетаны иш бла жалчытхан организация Пенсия фондха ётдюрюрге тийишлиди, анда тыш къыраллы гражданинни борчлу халда пенсия страхование системагъа эсепге саллыкъдыла эм СНИЛС-ни берликдиле.