Энтта да бир ясли ишлене турады

КъМР-ни Къурулуш эмда жол мюлк министерствосундан билдиргенлерича, Нальчикде 39-чу  номерли орта школну арбазында  жангы ясли ишленип бошала турады.  

Анга жыл санларына кёре,  юч къауумгъа бёлюнюп, жыйырмашар сабий жюрюрюкдю. Аны эки методика кабинети, физкультура бла кюреширча залы эм холу да боллукъду. Проектге кёре, ол галерея бла   мектепге къошуллукъду. Къурулуш  тийишли стандартлагъа кёре бардырылады. Къабыргъалары къызыл кирпичден къаланнгандыла, бетондан чигинжиле эм аркъаула да къуюлгъандыла эм башха мадарла да этилгендиле.  Бюгюнлюкде уа  юйню башын къанжал бла жабып бошай турадыла, ичинде коммуникацияларын да тартадыла.    

Объект «Ишлеген тиширыулугъа себеплик этиу – юч жылларына дери сабийлени школгъа дери билим бериу бла жалчытыу» эм «Демография»  миллет проектлени чеклеринде ишленеди.