Комиссия Жамауат палатаны аллында отчёт этгенди

ФСИН-инн КъМР-да Управлениясыны башчысыны орунбасары  Аслан Канкулов эмда УИС-ни таматасыны  адамны эркинликлерин сакълау жаны бла   болушлукъчусу Текаланы Рита  КъМР-ни Жамауат палатасыны жыйылыууну ишине къатышхандыла.

Ведомствону жамауат-къараучу комиссиясыны 2017-2019 жыллада  ишини эсеплерин сюзюуге дагъыда КъМР-ни Башчысыны Администрациясында къырал-право  управленияны  кечиу жаны бла бёлюмюню таматасы Давид Хашхожев, КъМР-да Адамны эркинликлери жаны бла уполномоченныйи Зумакъулланы Борис,  прокуратураны бёлюмюню таматасы Артик Кокоев да къошулгъандыла.

Комиссия ишини юсюнден аны башчысы   Анатолий Барсагов  тынгылы билдириу этгенди. «Биз отчёт кезиуню ичинде кёп тюрлю жумушла тындыргъанбыз, «Россейде  адамланы эркинликлери сыйырылгъан жерледе граждан контроль къалай бардырылгъаны», «ОНК-ны къаууму жамауат контрольну бардыргъан кезиуде тюбеген кемчиликле» дегенча магъаналы проектлеге къатышханбыз, аланы жашауда бардырыргъа себеплик этгенбиз»,-дегенди.

Жыйылыуда андан сора да, инсанланы праволарын бла эркинликлерин сакълау жаны бла  кёп соруула  сюзюлгендиле,деп билдиргендиле КъМР-да УФСИН-ни пресс-службасындан.