Хорлагъанлагъа жылы тюбегендилеХалкъла аралы хореография конкурсну эмда халкъла аралы миллет маданиятны бла фольклорну конкурс-фестивалында хорлагъан «Джигит» ансамбльге Жанхотияны Маданият юйюнде жылы тюбегендиле. Аланы алгъышларгъа Бахсан районну Маданият управлениясыны таматасы Зера Тхамадокова, Жанхотия элни башчысы Заурби Хамурзов эм элчиле келгендиле. Хорлагъанлагъа сёз айта, Зера Хасановна ансамбльни жетишими бла алгъышлагъанды эмда хореография искусство адамны маданиятын айнытыуда уллу къошумчулукъ этгенин чертгенди. Заурби Кашифович а сабийлени устазларына жюрек ыразылыгъын билдиргенди, ала салгъан къыйын, жаш артистлени жетишимли болуп къайтханларыны юлгюсю болгъанын энчилегенди. Сабийлеге грамотала эм саугъала бергенден сора районну чыгъармачылыкъ къауумлары къурагъан байрам концерт бардыргъандыла, деп билдиргендиле Бахсан районну администрациясыны пресс-службасындан.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
|