Юйретиуню кёп амалларын хайырланып

    КъМР-де  УФСИН-де  къуллукъ этгенле ишлери сюдлюк болгъанланы  къылыкъларын тюзетир муратда  тюрлю-тюрлю  амалланы хайырланадыла. Ол санда къырал байрамланы да белгилемей къоймайдыла. Ма быйыл да  жангы жылны ал кюнлеринде   3-чю номерли  колонияда  маданият ишле эмда спорт эришиуле бардыргъандыла. Тутмакъланы араларында  гитче  футболдан, шахматладан, шашкаладан,  стол теннисден эмда спортну башха тюрлюлеринден  турнирле ётгендиле.
  Билим жаны бла  эриширге сюйгенлени араларында уа тюрлю-тюрлю викторинала къуралгъандыла. Солуу кюнледе дагъыда  Жангы  жылны байрамы бла байламлы  суратлау фильмле кёргюзтюлюп тургъандыла.
   Андан сора да, колонияны орус православный килисаны  келечиси Виталий Бондарь да жокълагъанды. Ол тутулуп тургъанланы  байрам бла алгъышлагъанды, насийхат сёзле айтханды.
   4-чю номерли колонияда уа  концерт программа къуралгъан  эди. Аны  анда тургъан тиширыула кеслери хазырлагъандыла. Сахнаны жарашдыргъандыла, кийимле  тикгендиле, жырларгъа,  тепсерге да юйреннгендиле, деп билдиргендиле бизге УФСИН-ни пресс-службасындан.