Бушуу бла бошалгъан даулаш

13 декабря, 2019 - 08:15

Бахсан районну инсанына ачылгъан уголовный иш тинтилип, сюдню къараууна берилгенди. Ол РФ-ни УК-сыны 109-чу статьясыны 1-чи кесегине кёре терсленеди. Башхача айтханда, билмей, адамны ёлтюргенине ишеклик барды. 

РФ-ни Следствие комитетини КъМР-де следствие управлениясындан бизге билдиргенлерича, быйыл 21 октябрьде ингирде 18 сагъат 30 минутда эр киши Нальчикде Суворов атлы орамда машиналаны тинтген арада башха инсан бла даулашып, аны бетине жумдуругъу бла бир кере ургъанды. Ол а аягъы юсюнде туралмай жыгъылып, башын ургъанды. Ачыгъан эр кишини медицина учреждениягъа жетдиргендиле, алай ол кесине келмей анда ауушханды. 

Бизни корр.
  • 8 просмотров
Поделиться: