Медицина классха – жангы окъуу оборудование

КъМР-ни Саулукъ сакълау министерствосу Нальчикни 1-чи номерли гимназиясыны медицина классыны окъуучуларына саугъагъа саусузлагъа къарарча оборудование бергенди. Профильли класс быйыл март айда ачылгъанды, бюгюнлюкде анга  выпускникледен  42 адам жюрюйдюле. 
Жаш адамла келир заманда усталыкъларын таукел сайларча,   ведомство  кёзлени жютюлюклерин тинтген  таблица, солургъа болушхан комплект,  ортопедия жагъа, пневматика шина, оториноскоп,  носилка эм башха затла бла да жалчытханды. Энди жаш  врачла  тамата коллегаларыны ишлери бла толуракъ шагъырейленирча онглары барды.