Саугъаланы асламысы - къонакъбайлада

Тырныауузну «Геолог» спорт-саулукъландырыу комплексинде   грек-рим тутушуудан Элбрус районну биринчилиги ётгенди. Анга юч жыл сандагъы къауумда 115 жаш гёжеф къатышханды. Аланы араларында,  Олимпиадалы резервни Байзуллаланы Юсюп атлы спорт школуну сохталарындан сора да, Нальчик шахарда «Гладиатор» клубну, Зольск эмда Лескен районланы келечилери да  болгъандыла.

Саугъаланы иги кесегин элбрусчула алгъандыла. Сарбашланы Къууанч, Бапыналаны Къурман, Махийланы Азрет-Алий бла Руслан, Чеченланы Амаль, Жаппуланы Ислам, Отарланы Мурат, Жашууланы Хасан бла Рустам, Хутуйланы Алидар, Жеттеланы Алан бла Омар, Князланы Ахмат, Кетенчиланы Керим, Хапаланы Ислам, Отарланы Омар, Тилланы Жабраил, Малкъарланы Омар, Ачабайланы Билял, Тохаланы Альберт, Балаланы Алим, Коков Искандер, Урчукъланы Къурман кеслери ауурлукъларына бла жыл санларына кёре хорламла болдургъандыла.