Налог тёлеучюлени жумушларына тийишлисича къараргъа

Федерал налог службаны КъМР-де управлениясында бардырылгъан семинар-кенгешде налогла тёлеучюле бла ишни игилендириуню эмда къырал жумушланы бериуде качествогъа сакъ болууну юсюнден селешиннгенди. Жыйылыугъа ведомствону жер-жерли бёлюмлерини келечилери къатышхандыла, деп билдиргендиле инспекциядан.

Управленияны  башчысыны орунбасары Будайланы Руслан белгилегенича, налогла тёлеучюле бла ишлеуде, эм биринчиден, берилген жумушланы качествосуна эс бурургъа керекди. Службаны даражасы аны бла байламлыды, дегенди ол.

Регистрация, эсеплеу эмда налогла тёлеучюле бла ишлеу бёлюмню таматасы Надежда Устова быйыл биринчи тогъуз айны ичинде бу жаны бла не зат этилгенин билдиргенди. Ызы бла ФНС-ни интерактив сервислерин айнытыу къалай баргъаны бла да шагъырейлендиргенди.

Семинарда МФЦ-ла бла байламлыкъла жюрютюуге, налог органла бардыргъан мониторингге да бийик магъана берилгенди. Аны юсюнден къысха докладлары бла бёлюмню талай келечилери сёлешгендиле. Жыйылыуну ахырында ишде тюбеген чурумланы, аладан къутулур амалланы юсюнден баргъанды ушакъ.