Регион совет ишин башларыкъды

6 ноября, 2019 - 08:25

Кёп болмай РАН-ны Президиумундагъы илму советни 96-чы жыйылыуу ётгенди. Аны ишине академик В.А. Лекторский таматалыкъ этгенди. Алимлени бу жолгъу тюбешиулери искусственный интеллектни методологияларына бла когнитив тинтиулеге жораланнганды. Кенгешге Къабарты-Малкъар Илму араны таматасыны къуллугъун толтургъан Зелимхан Нагоев бла тамата илму къуллукъчу Аминат Вислова да къатышхандыла. 

Жыйылыуда Зелимхан Нагоев этген доклад уллу сейир къозгъагъанды. Дагъыда анда белгили болгъаныча, КъМР-дагъы Илму араны мурдорунда  искусственный интеллектни методологияларын бла когнитив тинтиулени бардырыу жаны бла регион совет ишлерикди. Къысха заманны ичинде алимле белгиленнген жумушну тамамлап башларыкъдыла. Бизни республикагъа уа ол бек уллу атлам боллукъду. 

Къасымланы Аминат.
  • 19 просмотров
Поделиться: