Къол тутушдан эм кючлюле ачыкъланырыкъдыла

Нальчикде къол тутушдан Россейни МВД-сыны битеуроссей чемпионаты барады. Ол 9 октябрьде ачылгъанды, эм къарыулуланы атлары уа 13октябрьде белгили боллукъдула. Чемпионатха  къыралны субъектлеринден ич ишле органланы 500 келечиси къатышадыла.

Эришиуле «Гладиатор» спорт комплексде бардырыладыла, ол официальный халда 11 октябрьде ачыллыкъды. Спортчула 60, 65, 70, 75, 80, 90 килограмм эм андан да уллу ауурлукълада эриширикдиле. Финал а 13 октябрьде 14 сагъатда башланырыкъды. Спортну сюйгенле эришиулеге чырмаусуз келирге боллукъдула, билетле хакъсыздыла