Экинчи сабий ючюн пособиягъа къошуллукъду

2 октября, 2019 - 08:25

Бизни къыралда биринчи эмда экинчи сабий ючюн  ай сайын пособие бередиле. Бу болушлукъ  хар адам башына (регионда) жашау этерге жараулу ахчаны ёлчемини бир бла жарымындан аз жетген  юйюрлеге бериледи, кеси да сабийге жыл бла жарым толгъунчу  тёленип турады, деп айтылады къырал жумушланы тамамлагъан «Госуслуги» порталда.

Келир жыл а мында тюрлениуле сингдирилликдиле. Алагъа кёре ол тёлеуню коэффициенти бир бла жарым угъай, эки боллукъду. Пособие былтыр биринчи январьдан башлап, 2022 жылны ахырына дери туугъан сабийле ючюн, кеси да шёндюча жыл бла жарым угъай,  юч жыл толгъунчу берилликди. Ары дери туугъанлагъа неда ючюнчю сабийге уа ол тёленмейди.

Бу тюрлениуню юсюнден сагъынылгъан Порталда окъургъа боллукъсуз:  

https://www.gosuslugi.ru/help/news/2019_09_25_vyplaty_na_detej

Улбашланы Мурат.
  • 14 просмотров
Поделиться: