Саулукълу болуугъа итиниу бла

Саулукъну халкъла аралы кюнюн жыл сайын апрельни жетисинде белгилейдиле. Ол саулугъуна аз да эс бургъан инсанлагъа бек
магъаналы байрамды. Сау дунияда бу кюнню 1950  жылдан башлап белгилейдиле. Быйыл абайрам «Мени саулугъум-мени эркинлигимди» деп алай  белгиленеди. Саулугъу болмаса, адамгъа дуния башында бир зат да магъаналы тюйюлдю.

Алай, тюз жашау этип, кесинкъоруулап, жарау эте, ашына-суууна да эс бура жашаргъа уа адам кеси эркинди. Бу шартлагъа бизни гитчеликден юйретедиле, биринчиднг юйюрде, ызы бла уа билим берген учреждениялада. Жыл саныбыз келгенде уа, саулугъубузгъа кесибиз сакъ болургъа борчлубуз. Школлада саулукъ сакълаугъа уллу эс бурадыла. Бу кюнледе Тырныауузну 5-чи номерли гимназиясында бу темагъа аталгъан бир къауум иги иш бардырылгъанды.

Директорну юйретиу, окъуучула бла байламлыкъ жюрютюу жаны бла кенгешчиси Асадуллаланы Элина  устазла бла бирликде хар жыл саннга кёре  классла бла эришиуле, ушакъла, мастер-классла къурагъандыла. Бу мектепде сабийлени спортжаны бла айнытыу, саулукъларына себеплик этиужаны бла энчи  программа ишлегени себепли, къачан да магъаналы ишле бардыргъанлай турадыла.

Озгъан байрамгъа жоралап, 5-чиден 8-чиге дери классланы араларында «Къымылда!» деген интеллектуал эришиу оюн бардыргъандыла. Уллу экраннга саулукъ бла байламлы соруула чыгъарып, алагъа тынгылы, магъаналы жууап этерлерин излегендиле. Былайда  къысха, эки-юч сёз бла чекленип къалмай, толу айтымла бла оюмюн ангылата билиуню да энчи эсге алгъандыла. Къауумчулукъну аламат кёргюзтген окъуучула соруулагъа къыйналмай  жууап эталгъандыла. Сабийле кеслери,  лагъа къарагъанла да къууаннгандыла.

Аны экинчи кюнюнде уа  9-чу бла 10-чу классланы окъуучулары «Келигиз ойнаргъа!» деген арбаз оюнланы эришиуюн къурагъандыла. Чабып, узакъгъа секирип, топ оюн этип да эришгендиле. Жарсыугъа, алгъын заманладача, арбаз оюнла ойнай билген сабийле бек аздыла. Ол жарсыулу шартха окъуучула кеслери да шагъат болгъандыла Бек гитчелени да унутмагъандыла. 1-чи, 3-чю классланы окъуучуларыны программалары бай эди. Ала «Асфальтда сурат ишлеу», «Ким алгъа», «Спорту къайсы тюрлюсюме?», «Хайырлы ашла» дегенча оюнлада кеслерини билимлерин кёргюзтгендиле.

Жетишимлери бла чыгъармачылыкъ жаны бла да фахмулары къараучуланы къууандыргъанды. Оюн жыл санны ёнчелемейди. Къартны-жашны да бирча сабийликге къайтаралады. Аламат халлары бла къараучуланы къууандыралгъан къауумла, кеслери да сынау экзаменлени алларында ойнап жайыкъгъандыла. Не десек да, жаз башы сейир сезимле къозгъайды жюрекледе. Окъуудан бир кесек арыгъан сабийлеге солур ючюн  аламат онг эдиле ол кюнле. Сау ыйыкъны ичинде бардырылгъан оюн эришиуледе хар сабий да алчы эди. Алгъан билимлери бла сезимлерине окъуучула бары да ыразы болуп къалгъандыла. Гимназияны устазларына Теммоланы Светлана, Фуад Бурановха, Татьяна  Могилевецге окъуучуланы къаууму ыспас этгенди. Саулукъну ыйыгъында бу мектепде салыннган борчла толтурулгъандыла.