Сынауладан жетишимли ётедиле

Россейни МЧС-де къуллукъ этерге сюйген жаш адамла ведомствону окъуу юйлерине кириу ишни башлагъандыла. Бусагъатда ала регион айырыуланы ёте турадыла. Министерствону республикада Баш управлениясындан билдиргенлерине кёре, ала орус тилден бла математикадан сынауланы берип бошагъандыла, бу кюнледе уа жаш адамланы псхология жаны бла хазырлылыкъларына да къарагъандыла. Кандидатлада къутхарыучу болууда керекли психология ышанлары болгъаны тинтилгенди. Ачыкъланнганыча, жаш адамла тестлени жетишимли бергендиле, алада къыйын болумлада ишлерге, адамлагъа болушургъа  хазырлылыкъларын, тириликлерин да кёргюзтгендиле. Энди абитуриентлени кюч-къарыу жаны бла зачётла сакълайдыла. Юч дисциплинаны бергенлеринден сора управленияны комиссиясы, эм тийишлилени сайлап, аланы от ёчюлтюу-техника профильли окъуу учреждениялагъа жиберликди.

Эсгертиу: ведомствону окъуу юйлерине киргенде бир къырал экзаменни (орус тил, профильли математика эм физика) эсеплерине къаралады, вузну кесинде да сынауланы ётерге керекди.