Къоркъуулу жолоучулукълагъа чыкъгъанланы эслерине

Россейни Правительствосу туристле къоркъуулу жолочулукълагъа чыкъгъанларыны юсюнден МЧС-ни бёлюмлерине билдириуню тынчыракъ этгенди, деп билдиредиле республиканы Курортла эм туризм министерствосундан.

Къоркъуулу маршрутлагъа инструктор бла бирге барыргъа тийишлиге санайдыла.  Эски жорукълагъа кёре туристле аллай жерле бла барлыкъларын къутхарыу бёлюмлеге азындан он кюннге алгъа билдирирге борчлу эдиле, энди уа тюзда жолгъа атланырдан алгъа айтсала тамамды. Эсепге электрон халда МЧС-ни регионда Баш управлениясыны сайтында эм Элбрус бийик тау излеу-къутхарыу отрядха барып (адреси: Нальчик, Пирогова атлы орам, 4, телефону – 8 8662 42 24 56) тюшерге боллукъду. Бу жумушну отрядны Терскъолда бёлюмюнде (Элбрус район, Терскъол эл, телефону – 8 86638 7 14 89) тамамларгъа да жарарыкъды.