Биринчи эришиуде – ахшы кёрюмдюлеМоскваны «Чкалов-Арена» спорт арасында эстетика гимнастикадан «Примавера» тёрели эришиу бардырылгъанды. Анда алты жыл сан къауумда саугъала ючюн къыралны аслам регионундан жюз спортчу сынашханды. Эсеплеге кёре, 10-12-жыллыкълада бизни республикадан «Эльбрус-Вершина» къауум ючюнчю жерни алгъанды, 8-10-жыллыкълада уа тёртюнчю жерде «Эльбрус-Фортуна» орналгъанды. Къызчыкъланы тренерле Инна Терентьева, Татьяна Шугушева, Светлана Михайленко юйретедиле. Светлана Михайленко белгилегенича, гитче жыл сан къауумда «Эльбрус-Фортуна» аллай жерни алгъанын жетишимге санаргъа боллукъду. «Быллай даражалы эришиуге гитче спортчуларыбыз биринчи кере къатышхандыла, ала тёртюнчюле болгъанлары, айхай да, игиди. Къызчыкъла сынам алгъандыла, ол а артда бийик кёрюмдюле болдурургъа болушурукъду», - дегенди тренер.
Поделиться:
Читать также:
26.04.2024 - 17:33 →
Биринчиликни ычхындырмагъанды
26.04.2024 - 09:30 →
Эм кючлю – республикабызны къаууму
26.04.2024 - 08:15 →
Эм ариу спортда – алчы жерле
25.04.2024 - 15:30 →
Районну атындан терскъолчула эриширикдиле
25.04.2024 - 09:30 →
Гёжефлерибизде – тёрт майдал
|