Къабарты-Малкъар Республиканы Башчысы К.В. Коковну Тиширыуланы халкъла аралы кюню бла АЛГЪЫШЛАУУ

 Къабарты-Малкъарны багъалы тиширыулары! 

Сизни келе тургъан байрамыгъыз бла жюрегимден къызыу алгъышлайма!
Бу байрам адам улуну тамашалыкъ кесегини келечилерине огъурлу, жарыкъ  сезимле туудурады, сюймекликден толуду. Тиширыула не заманда да от жагъаны, юйюр хазналаны бла адет-тёрелени сакълаучула болгъандыла, жюрек жылыу эмда таукеллик бергендиле. Аланы къайгъырыуларын, билеклик этиулерин хар адам да жаратылгъан кюнюнден сезип башлайды.
Къабарты-Малкъарда тюрлю-тюрлю бёлюмледе кимни да сейирсиндирген жетишимлеге жетген  аламат тиширыула жашайдыла, акъыллыла эмда фахмулула. Алай а аналагъа хурметибиз бютюн уллуду. Ана дегенинг бизге ёмюрден ахыргъа бек багъалы хазна болгъанлай къаллыкъды. 
Айхай да, энчи аскер операция баргъан жерде Россейни къоркъуусузлугъу эмда жалынчакъсызлыгъы ючюн къазауат этген жерлешлерибизни аналарына бла юй бийчелерине уа биз энчи ыспас этерге сюебиз. Сизни жашларыгъыз, баш иелеригиз чынтты жигитледиле, ала бла саулай къырал ёхтемленеди. Ала, узакъда эселе да, сизни сюймеклигигизни сезгенлей турадыла. Аланы Хорлам бла юйлерине кёп да бармай сау-саламат къайтырларын сакълайбыз.
Къабарты-Малкъарны тиширыуларыны барысына да жюрегими теренинден саулукъ, монглукъ, насып эмда жюрек ырахатлыкъ тежейме,  къолугъузгъа алгъан хар ишигиз да къуралсын!