Жангы оборудование ахшы себепликди

Кёп болмай «Культура» миллет проектге кёре, Чегем шахарда район аралы тарых-краеведение музей жангы оборудование бла жалчытылыннганды.

Ол санда экспозициялы витринала, манекенле, чыбыкъсыз радиогид-системала, мобил экранла, оргтехника, климат системала эм башха затла да берилгендиле.

Алай бла бюгюнлюкде жылны къайсы кезиуюнде да къараучулагъа тап болурча бар онгла къуралгъандыла. Эм магъанасы уа – тарых эм маданият жаны бла экспонатла тийишли халда сакъланырча болгъанды. Бусагъатда артефактла юч залда орналадыла. Аланы эм эрттегилери 500-600-жыллыкъладыла.