Жорукъла тюрленнгендилеБыйыл 1 январьдан отлукъ-энергетика комплексни объектлеринде къоркъуусузлукъну жалчытыугъа контрольну тамамлауну жорукъларына тюзетиуле кючюне киргендиле. Аны юсюнден Росгвардияны КъМР-де Управлениясыны пресс-службасындан билдиргендиле. Ведомстводан бизге ангылатханларыча, РФ-ни Правительствосу 2023 жылда 12 майда чыгъаргъан «Отлукъ энергетика комплексни объектлеринде (алагъа къоркъуулу даража берилсе) къоркъуусузлукъну жалчытыугъа къырал контрольну тамамлауну жорукъларын къабыл кёрюуню эмда РФ-ни Правительствосуну бир-бир бегимлери кючлерин тас этгенлерини юсюнден» 740-чы номерли бегими 2024 жылда 1 январьда кючюне киргенди. Энди аллай объектледе план бла тинтиуле эки жылны ичинде бир кереден кёп бардырыллыкъ тюйюлдюле. Алгъын а хар жылдан да къуралгъанды. Дагъыда къырал контрольну тамамлагъан кезиуде профилактика тинтиуле бардырылыргъа боллукъдула. Аны кезиуюнде къырал контрольну тамамлагъан организацияны жууаплы къуллукъчусу ТЭК-ни объектинде болуп, ангылатыу ушакъ бардырыргъа эркинди. Профилактика тинтиулени кезиуюнде жорукълагъа бузукълукъланы кетериуню юсюнден бегим чыгъарылмайды, жаланда эсгертиулени берирге жарайды.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
|