Казбек Коков республиканы жаш тёлюсюню келечилери бла тюбешгенди

КъМР-ни Башчысында республикалы координация советни кенгертилген жыйылыуунда «Биринчилени атламлары» деген жаш тёлю биригиуню бюгюнлюкде ишине къаралгъанды, деп айтылады регионну оноучусуну телеграм-каналында.

 «Биринчилени атламларына республикалы эмда федерал араларында уллу эс бурулады. Бу атламланы Къараучу советине бизни Президентибиз Владимир Владимирович Путин башчылыкъ этеди. Бизни борчубуз - сабийлеге, ёсюп келген тёлюге кеслерини онгларын толу ачаргъа, жашауда жерлерин табаргъа тюз жолгъа салыргъа болушургъады. Бек башы, къыралны оноучусу белгилегенича, жаш тёлюбюзден чыкъгъан башламчылыкъла болургъа керекдиле битеу къабыл этиллик оноула.

Тюбешиуге школчула, студентле эм насийхатчыла да къатышхандыла. Аланы санларында «Биринчилени атламлары», регион эм федерал проектлени хорлагъанла, республиканы атын тийишли даражада кёргюзтгенле болгъандыла.

Биз озгъан жыл 20 августда республикада къуралгъан Биринчилени атламларыны ишлерини кёрюмдюлерин бирге сюзгенбиз. Шёндю Къабарты-Малкъарда 268 биринчи эмда онюч жер-жерли бёлюмле къуралгъандыла.

Бёлюмледе ишлерикле билимлерин да ёсдюргендиле. Иш Сабийлени эм жаш тёлюню битеуроссей жамауат-къырал къымылдауларыны аппараты бла бирге бардырылады.

Къабарты-Малкъарда къымылдаугъа 17 минг сабий къатышады. Озгъан жыл "Биринчилени атламларына" иги кесек хорлам эм башламчылыкъ келтиргенди. Андан сора да Новоивановское элни жетинчи лицейи, Тырныауузну ючюнчю номерли школу эм Лячинкъаяны биринчи номерли школу хорлагъандыла эм школ тийрелени битеуроссей конкурсунда тийишли саугъала алгъандыла.

 2023 жылда регион бёлюм къауум магъаналы проектни бардыргъанды. Аланы ичинде «Бизни арбазны сабийлери» деген проект арбазлада бардырылыучу спорт оюнланы къураргъа, социал проектлени бардырыу бла регионла аралы «Биринчилени жоллары» турнир, агропроектге 50 аслам  жаш адам къатышханды, ала В.М. Коков атлы Къабарты-Малкъар къырал аграр университетни сынау бахчасында тахта кёгетлени ёсдюрюп, къолайсыз жашагъанлагъа бергендиле. Дагъыда «Муратыннга ийнан», «Ишлерге заман келгенди», «Тарыхны сакълагъанла», «Юйюр команда» эм башхала.

Биринчилени атламларына къатышханла, бир тюрлю-бир муратлары болгъанла, ол жумушларын толтургъандыла, муратларына жетгендиле, ол бек магъаналыды.

 Къабарты-Малкъарда Биринчилени атламларына ёсюм эм мындан ары да республикабыз эм битеу къыралыбыз ючюн жангы жетишимле болдурургъа тежегенме», - деп айтылады билдириуде.