Жууугъуна болушама деп, сюдге тюшгенди

Миграция бла байламлы бузукълукълагъа къажау излей-тинтиу жумушланы толтургъан кезиуде РФ-ни ФСБ-сыны КъМР-де Управлениясыны къуллукъчулары КъМР-де МВД-ны миграцияны соруулары жаны бла бёлюмюню келечиси Б.Х. Кумыковну аманлыкъчы ишин тыйгъандыла.

Кюч ведомствону пресс-службасындан бизге билдиргенлерича, ишекли юч тыш къыраллы республикада  ишлерча законсуз мадарла къурагъанды. Ала Урван районда полициячыны жууукъларындан бирини иелигинде болгъан солуу базаны мекямында къурулуш ишлеге къатышхандыла.

Лескен районну сюдю Б.Х. Кумыков РФ-ни УК-сыны 322.1-чи статьясыны 2-чи кесегини «в» пунктуна бузукълукъ этгенини тохташдырып, аны эркинлигин 2 жылгъа сыйырыргъа деген оноуну чыгъаргъанды, ол условно халда толтуруллукъду эмда бир жылны ичинде ол кесин къалай жюрютгени сюзюлгенлей турлукъду. Оноу кючюне киргенди.

Тикаланы Фатима хазырлагъанды.