Дых тау

Белгилисича, 11 декабрь Тауланы халкъла аралы кюнюдю.

Айхай да, ол кюн бизгемагъаналыды. Нек дегенде бизден кёп тауу болгъан къайсы къайсы журт болур?! Битеу Европаны окъуна эм бийик тауу Элбрус да биздеди. Бу тийреледе бийиклиги бла аны ызындан баргъан тау а къайсы болур?

Элбрусну бийиклиги 5642 метрди. Бу жерледе бийиклиги бла аны ызындан баргъан Дых тауду. Аны бийиклиги 5205 метр болады. Бызынгы эл тийресиндеди.

Дых тау къуру Кавказда угъай, битеу Россейде да бийиклиги бла экинчи жердеди. Биринчи кере аны башына Россейни делегациясы 1888 жылда чыкъгъанды.

Ёрлерге да къыйын чукуйладан бириди. Кеслерине базыннган кёп къаячыла ары чыгъалмай къайтхандыла.

Дых тау эм ариу бийикликледен бирине да саналады. Жайда, къышда да эримей тургъан къарлары, бузлары кенгден къарасанг да, кёз къаматадыла.