Эрттеден бери сакъланнган объектАрт заманлада юйсюз итле эшикде, ол санда шахар тийреледе, аслам жайылгъанлары жамауатны жарсытхан уллу жарсыуладан бири болгъанды. Ол себепден шахарны администрациясыны башламчылыгъы бла Прохладна шосседе 130 чакълы хауле итге деп приют ишленнгенди. Аны административ юйю, итле тургъан, бакъгъан бёлюмлери эм вольерлери да боллукъду. Саулай алып айтханда, ол законодательствода белгиленнген жорукълагъа толу келиширикди. - Жарсыугъа, бир къауум тыйгъычла ючюн приютну къурулушун болжалындан кеч къалып бошаргъа тюшеди. Былайда алгъын кир-кипчик жыйылгъан жер болгъаны ючюн, ишле башланнганларында, жерни иги да кючлерге кереклиси ачыкъланнганды. Анга кёре 170 чакълы чыпын урулгъанды эм башха жумушла да тамамланнгандыла. Аны бла бирге проект да тюрлендирилгенди. Болсада жууукъ заманда ол ишлеп башларыкъды. Жерни уллулугъу 1,8 гектар чакълыды, ол себепден келир заманда къошакъ вольерле ишелеп кенгертирге онг барды, - дегенди Нальчик шахар округну администрациясыны тынгылы къурулуш бардырыу управлениясыны таматасы Руслан Афашагов. Ол айтханнга кёре, объектни къурулушуна 40 милллион сомгъа жууукъ къоратыллыкъды. Аны иги кесеги Ветеринария управление берген ырысхыды. Къошакъ халда ишлеге да ахчаны администрация бергенди. Учрежденияда стерилизация этген, бакъгъан эм прививкала салгъан бёлюмле ишлерикдиле. Хар итни кесини оруну боллукъду. Къыш сууукълада, жай иссиледе да жунчумазча, жерле жарашдырыллыкъдыла. Аланы тазалыкъларына да энчи эс бурулллукъду.
Поделиться:
Читать также:
05.05.2024 - 10:30 →
Къабарты-Малкъар Республиканы Башчысы К.В.Коковну Пасха байрам бла алгъышлауу
05.05.2024 - 10:02 →
«Бу дуниягъа жарыкълыкъ, игилик келтире эсем, кесими насыплыгъа санайма»
05.05.2024 - 09:05 →
Билимин, жюрек жылыуун да аямагъанды эллилеринден
04.05.2024 - 10:00 →
АТЫ ИГИЛЕНИ ТИЗГИНЛЕРИНДЕ АЙТЫЛАДЫ
04.05.2024 - 09:05 →
Кючюню нюрюн кенгнге жая
|