Огъурлу ызны унутмайдыла

Черкесланы Исмайылны жашы Мустафа, къызлары Халимат бла Нажабад «Заманны» алгъанлай турадыла.

- Атабыз, жаннетли болсун, газетни дайым алгъанлай туруучу эди, биз да аны ол ишин унутмагъанлай, миллетибизге хурмет этип, газетибизге жазылмай бир да къалмагъанбыз. Хар таулуну юйюнде «Заман» болургъа керекди. Ёз тилинде газети болгъан ол насыплы миллетди, - дейди Мустафа.

- «Заман» газетибизни окъуп тебиресек, атабыз, анабыз, огъурлу сабий заманларыбыз эсибизге тюшюп къаладыла. Къайгъысыз, жарсыусуз жылларыбызны тансыкълайбыз, - дейдиле Мустафаны эгечлери уа.

Биз алагъа къонакъгъа баргъан кюн  экиге айланнган къарындашлары Жеттеланы Хусейин да келип тура эди алагъа. Ол да газетибизни керти окъуучуларындан бирида.