|
Все статьи
9 мая, 2022 - 09:39
Габоланы Аслангерийни Чегем аузунда танымагъан хазна жокъ эди. Аны уллу юйюрюнде алты къыз бла беш жаш ёсгендиле. Уллу Ата журт уруш башланнганда, къаяла кибик жашлары, къолларына сауут алып, душман бла сермешгендиле. Жашланы таматасы Хаждауут билимли адам эди. Ростовда бийик партия школда окъуп къайтхандан сора, райкомну экинчи секретары болуп тургъанды. Аллына жарсыуу бла келген адамлагъа уллу кёллюлюк этмегенди, къолундан келгенича болушханды.
8 мая, 2022 - 16:22
Акътопуракъчы Тохаланы Сулейни жашы Ануар Уллу Ата журт уруш башланырны тюз аллында – 4 июньда – чакъырылгъанды аскерге. Алай бла урушну ал кюнлеринден окъуна окъ, от ичине тюшгенди. Махтау къыгъытларында айтылгъаннга кёре, ол анда 129-чу инженер-сапёр батальонну 8-чи инженер-сапёр бригадасында уруш этгенди.
8 мая, 2022 - 09:00
«Чекчилени жаш нёгерлерини» отрядларыны республикалы эришиулерине 12 команда, битеу да бирге школланы жюзден аслам окъуучусу, къатышхандыла. Слётну ала совет халкъны Уллу Ата журт урушда Хорламыны 77-жыллыгъына атагъандыла.
7 мая, 2022 - 15:35
Уллу Ата журт урушну къыйын кюнлери бюгюн да унутулмагъандыла. Анда жигитлик этгенлени, туугъан жерлери ючюн къанларын-жанларын аямагъан жашларыбызны, къызларыбызны атлары алтын харфла бла тарыхны бетлеринде жазылгъандыла. Аллай батыр уланларыбыздан бири эди Огъары Бахсандан кичи политрук Гызыланы Архотну жашы Абдул.
7 мая, 2022 - 09:00
Жаникаланы Чукай гитчелигинден окъуна низамлы болгъанды, эриннген деген затны билмегенди, жууаплылыкъны сезгенди. Мектепде иги окъугъаны бла къалмай, спорт бла кюрешгенди: футбол команданы санында кёп эришиулеге къатышып, махтаугъа, саугъалагъа да тийишли болгъанды.
6 мая, 2022 - 21:58
КъМР-ни Башчысы Казбек Коков Къабарты-Малкъардан барып энчи аскер операцияны чегинде жан берген аскерчилени жууукъларына къырал саугъаланы бергенди.
6 мая, 2022 - 21:56
Тюнене Нальчикде Къабарты-Малкъарны эм уллу поликлиникасы боллукъ мекямны мурдоруна бетонну биринчи кубун къуюу жарыкъ жумуш бардырылгъанды. Жангы мекям 1-чи номерли шахар клиниканы тийресинде ишленирикди.
6 мая, 2022 - 13:11
Урван районда терек бахчалыкъла ёсдюрген предприятияланы биринде алманы сатардан алгъа тийишли халда жарашдырырча мадар да этилгенди. Белгилисича, алычу продукциягъа эс бурурча аны товар сыфаты болургъа керекди. Ол себепден алманы да уллусу бла гитчесинден айырыргъа борчлуду. Бусагъатда ол магъаналы жумушну тамамлагъан цехле ишлейдиле.
6 мая, 2022 - 11:29
Солуу неда байрам кюнледе иш бериучюле инсаннга къуллугъун толтурургъа буюрургъа эркинмидиле? Бу статьяда аны ангылатыргъа сюебиз.
6 мая, 2022 - 11:26
Россейни МВД-сыны Зольск районда бёлюмюню къуллукъчулары 45-жыллыкъ эр кишиге ачылгъан уголовный ишни тинтип бошагъандыла. Ол хыйлачылыкъ этгенине ишеклик барды.
6 мая, 2022 - 11:12
Россейни Сурдлимпиада оюнлагъа къатышырыкъ командасына бизни республикадан эки спортчу – Мадина Сатушиева бла Татьяна Жилова – киргендиле, аны ючюн ала даражалы Европалы эм дуния чемпионатлада хорлагъан эдиле.
6 мая, 2022 - 09:37
Телефон бла сёлешип, адамланы алдау, аланы ахчаларын урлау, жарсыугъа, ахыр кезиуде артыкъда кёп жайылгъан аманлыкъладан бириди. Быллай хыйлачыланы къалай таныргъа боллукъду, ахчангы сакъларгъа къаллай мадарла болушурукъдула? Бу соруулагъа жууапланы КъМР-ни прокуроруну тамата болушлукъчусу Сотталаны Жанна береди:-
6 мая, 2022 - 08:55
Къабарты-Малкъаргъа 100 - жыл
Ахыр эки жылда Къабарты-Малкъарны 100-жыллыгъын белгилеуге хазырланыу къыстау барады. Хар муниципал биригиуде халкъ чыгъармачылыкъны фестивальлары, жырланы бла суратланы конкурслары, кёрмючле, байрам ингирле, кинофестивальла, чаришле эм башха мероприятияла къураладыла.
6 мая, 2022 - 08:43
Быллай адам ишсизге саналмайды, аны себепли тийишли къырал арада эсепге туруп, анда болушлукъ алыр амалы жокъду. Пособие алыргъа сюе эсе уа, НПД («профессионал доход») деген налогну тёлеуню тыйып, налог службада эсепден чыгъаргъа керекди.
6 мая, 2022 - 08:33
Быйыл кезиулю сабан ишлени чеклеринде 46,9 минг тонна неда, былтыр бла тенглешдиргенде, 109 процентге кёп семиртгич къоратыллыкъды.
6 мая, 2022 - 08:00
Болдургъан жетишимлери эм кёп жылланы бет жарыкълы уруннганы ючюн Къабарты-Малкъарны Правительствосуну сыйлы грамотасы бла Тырныауузну Отарланы К.С. атын жюрютген 1-чи номерли лицейини «Энчи сабий» ресурс арасыны юйретиучюсю Тебердиланы Жаннет саугъаланнганды.
6 мая, 2022 - 08:00
КъМР-де Оператив штаб республиканы жамауатын бла къонакъларын келе тургъан байрамла бла алгъышлайды эмда сакъ болургъа чакъырады, террорчулукъ ишледен къорууланыуну быллай амалларына да юйретеди:
6 мая, 2022 - 07:07
Россей Федерацияны Правительствосуну Председатели Михаил Мишустин медицина биригиулени шёндюгюлю реабилитация оборудование бла жалчытыуну юсюнден бегимге къол салгъанды.
5 мая, 2022 - 19:11
РФ-ни Правительствосуну Председатели Михаил Мишустин 2030 жылгъа дери Шимал-Кавказ федерал округну социал-экономика айныууну стратегиясын къабыл кёрюуню юсюнден буйрукъгъа къол салгъанды
5 мая, 2022 - 14:36
РусГидро компанияны Къабарты-Малкъарда бёлюмюню келечилери бу кюнледе Терк, Бахсан, Чегем, Черек эм Малка суулагъа эмда анга къошулгъан черекчиклеге 300 мингден артыкъ чабакъчыкъ (каспий лосось) жибергендиле.
Страницы
|