|
Все статьи
4 августа, 2022 - 08:10
Къарачайлыла бла малкъарлыла сютден кёп тюрлю ашла этгендиле. Сют промышленностьну инженер технологу Мисирланы Хасан аладан бирини –айранны, тюзюрек айтханда уа, гыпы айранны ким этгенини, шёндюледе аны сау дунияда не ат бла билгенлерини юсюнден хапарлагъанды бизге.
4 августа, 2022 - 07:13
КъМР-ни Регионнга оноу этген арасы (ЦУР) «Магъаналы соруула» деген рубрикада ишин тохтатмагъанлай бардырады. Аны чеклеринде министерстволаны, ведомстволаны оноучулары, республиканы районларыны жер-жерли администрацияларыны башчылары инсанладан келген соруулагъа жууапла бериучюдюле.
3 августа, 2022 - 17:43
Харбызланы кезиую башланнганды. Аланы биринчи къаууму июльну ахырында сатылынып башлайдыла. Жамауатда Астраханьны харбызлары эм игилеге саналадыла. Алай бизни тюкенлерибизде бла базарларыбызда Узбекистандан, Къытайдан, Тюркден келтирилгенле да тюбейдиле. Тергеулеге кёре, Тюркде бу кёгетден бир жылгъа беш миллион тоннагъа дери ёсдюредиле. Ма аланы кёребиз биз тюкенледе къыш окъуна. Бизни къыралда уа аладан жай кезиуде 200 минг тоннадан артыкъ сатылады.
3 августа, 2022 - 15:21
Быйыл Къабарты-Малкъарда «Регион, муниципал эм жер-жерли магъаналы автомобиль жолланы жангыртыу» федерал проектни бардырыргъа къырал бюджетден 300 миллион сом бёлюннгенди. Жууукъ заманда аны хайыры бла онбир жолгъа тынгылы ремонт этилликди.
3 августа, 2022 - 14:07
«РусГидро» компанияны Къабарты-Малкъарда бёлюмюню башламчылыгъы бла алгъаракъда Нальчикде «оБЕРЕГАй» деген кезиулю экология акция ётгенди. Анга республиканы сабий экология-биология арасыны келечилери къатышхандыла, КъМР-ни Жарыкъландырыу эм илму министерствосу да себеплик этгенди. Бу ишни баш магъанасы суу къолайлыкъны сакъларгъа кереклисине жамауатны эсин бурургъады, ёсе келген тёлюню да табийгъат байлыкълагъа аяулу кёзден къараргъа юйретиргеди, деп билдиргендиле компанияны пресс-службасындан.
3 августа, 2022 - 14:06
«Газпром газораспределение Нальчик» компанияны авариялы-диспетчер бёлюмлерине быйылны биринчи жарымында кёп къалмай 4,9 минг заявка келгенди.
3 августа, 2022 - 14:04
Исси тауада къызгъан жау жанып тебиресе, кёзню къагъып ачхынчы ол олсагъат юйге от салыргъа боллукъду. Алай нек болуучусун, андан сакъланырча не этерге кереклисин КъМР-ни от тюшюуге къажау–къутхарыу службасыны Нальчик шахар округда профилактика жаны бла бёлюмюнден билдиргендиле.
3 августа, 2022 - 12:02
Былтыр Къабарты-Малкъар къырал университетни медицина факультетини багъыу иш бёлюмюн къызыл дипломгъа тауусхан студентлени арасында таулу къыз Мустафаланы Фарида да болгъанды. Ол ариу тау элибизде – Тёбен Чегемде туугъанды. Школну да мында айырмалы, алтын майдал бла бошагъанды.
3 августа, 2022 - 11:42
Белгили жырчы Фёдор Шаляпинни сейир ауазына, ёнюне, фахмулулугъуна жер башында асламла баш ургъандыла, ол ата журтлу, битеудуния маданиятда кесича энчи, айырмалы ыз къойгъанды. Аны юсюнден Владимир Кодзоковну «Певцы земли родной» деген китабында да бир бёлюм барды. Биз да бу материалны анга таянып хазырлагъанбыз.
3 августа, 2022 - 09:05
Адам тюшюнде кёрген затла аны мыйысыны солумагъаныны угъай, анга бир тюрлю жумушну толтурургъа неда бир ышаннга эс бурдурургъа кюрешген шартладыла дерни аллында, британлы сомнолог (тюшню тинтген илму) Ян Уоллес отуз жылны ичинде 150 мингден аслам тюшню сюзгенди.
3 августа, 2022 - 06:08
Россейни аскери Украинада HIMARS деген америкалы ракеталаны бирин да къурутмагъанды. Аллай билдириуню Американы Сауутланнган кючлерини келечиси билдиргенди, деп жазады Reuters информ-агентство. Бу хапар ётюрюк болгъаныны юсюнден войнасфейками.рф Телеграм-канал басмалайды.
2 августа, 2022 - 18:35
Чегем ауузуну табийгъатыны ариулугъуну юсюнден кесини репортажында «Моя провинция» деген 23-чю Битеуроссей конкурсха къатышхан Гульнара Мурзина да жазгъанды. Ол «Пресса» деген номинацияда бек сыйлы саугъагъа тийишли болгъанды. Автор Белебей шахарданды. Биринчи жерге тийишли болгъан статьяны уа кесинде «Московская правда» газет басмалагъанды.
2 августа, 2022 - 18:15
Букъдурмай кёргюзтедиле…
«Бизни таулу элледе энди иги таныйдыла, хар юйде да къууанып сакълайдыла, жашагъан жерлерин, юй кереклени, жамычыланы къалай тикгенлерин букъдурмай кёргюзтедиле, миллет тепсеулеге юйретедиле…»
2 августа, 2022 - 12:45
Жыл санлары келген адамланы асламысы ишемия, гипертония, стенокардия, аритмия, жукъусузлукъ, мигрень, солуу жетишмей, астма эм башха ауруладан къыйналадыла. Сагъынылгъан ауруула бла байламлы Нефрология илму араны профессору, медицина илмуланы доктору Марина Максимова шёндюгю болумлада не этерге боллугъун ангылатады.
2 августа, 2022 - 10:03
Россейли аскерчиле Херсоннга гуманитар болушлукъну иймейдиле, шахарда аш-азыкъ бла къытлыкъ барды, деп украинлы асламлы информация органла жазадыла. Аны юсюнден войнасфейками.рф телеграм-канал жазады.
2 августа, 2022 - 09:05
РФ-ни СК-сыны КъМР-де следствие управлениясы мурдарлыкъ этгенине ишекликде изленнген Альберт Мамбетовну ёлюгю табылгъаны бла байламлы тинтиуле бардырадыла. Эр киши «Республикалы психо-неврология интернат» къырал учрежденияны оноучусун бла аны къалауурларыны таматасын ёлтюргенине ишекликде изленнгенди.
2 августа, 2022 - 09:05
Мени къарт анам Уяналаны Гокка айтханнга кёре: «Улбашлары акъ шинли болуучу эдиле, чачлары бал бетли.
2 августа, 2022 - 09:05
Ахшы муратла туудургъан уланларыбыздан бири спортчу Жаникаланы Асланды. Ол дзюдода, самбода, ММА-да жетишимлери бла белгилиди. Спортда жолу уа, чурумлагъа, къыйын болумлагъа къарамай, алгъа барыуну юлгюсюдю.
2 августа, 2022 - 08:18
Къабарты-Малкъар къырал университетни алимлери медицина имплантатлагъа жараулу темирча къаты биийк технологиялы полимерле жарашдырадыла. Ала титандан эки кереге женгилдиле эм бек иссилеге, сууукълагъа да иги тёзедиле.
2 августа, 2022 - 08:10
Зоя Бызынгыда кёп жылланы жашагъанлыкъгъа, таулада танг атханны бла кюн батханны ариулугъуна къарап тоялмагъанды. Къыргъызстанны узакъ Рыбачье шахарчыгъында туугъан къыргъызлы къызны таулу жашха барып, Бызынгыгъа келип, жашау этерикди деп, эслеп эсинде да жокъ эди. Ол заманда анга сабийлеринги, туудукъларынгы да ма анда ёсдюрлюксе, аланы къууанчларын да ма анда этериксе деселе, ол анга ийнанырыкъ да тюйюл эди. Болсада къадар жашаугъа кесини тюзетиулерин кийире барады.
Страницы
|