Спорт

Саулукълу жашау бардырыуну, спорт бла дайым кюрешиуню магъанасы уллуду. Бютюнда сен къутхарыучу эсенг. Мисирланы Тимур Россейни МЧС-ини регионда управлениясыны экинчи номерли от ёчюлтюу-къутхарыу бёлюмюнде ишлейди, ич службаны сержантыды.

 Тырныауузну «Тотур» стадионунда  ветеранланы араларында футболдан тёрели регионла аралы турнир ётгенди. Ол бу жерли «Элбрус» команданы къауумунда ойнап тургъан Толгъурланы Аликге бла Муса Моловха жораланнганды.

Ёсе келген тёлюлени ариу халда юйретиуде, аланы кюч-къарыу, ниет жаны бла да чыныкъдырыуда спорт, айхай да, уллу магъананы тутады. Гитче гёжефлени араларында эришиуле уа хорламгъа итиниулюклери бла абаданланы араларында бардырылгъанларындан артха къалмайдыла. Жабелланы Халитди пллай умутландыргъан спортчуларыбыздан бириди.

Россейни МЧС-ини Къабарты-Малкъарда  Баш управлениясыны «ЦУКС»  командасы республиканы футболдан любитель лигасына къатышады.

Шёндю спортну сюйгенлени байрамы – Олимпиада оюнла – барадыла.  Токиогъа дунияны хар жеринден да спортчула жыйылып, къарыуларын сынайдыла, майдалланы юлешедиле. Аланы арасында уа бизни жерлешлерибиз болгъанлары да ёхтемлендиреди – Мусукаланы Исмайыл, Мария Ласицкене эм Михаил Акименко.

Боксну халкъла аралы кюнюне жораланып Къабарты-Малкъар къырал техника колледж бла «Нальчик» спорт школ турнир къурагъандыла.

Гёжеф Локияланы Жамболат грек-рим тутушууда болдургъан жетишимлери бла белгилиди. Аны биринчи уллу хорламы 2011 жылда Россейни кадетлени араларында биринчилигинде къытхан доммакъ майдалы эди. Эки жылдан ол къыралны юниор биринчиликлеринде кюмюш эм доммакъ майдалланы алгъанды. 2015  жылдан бери Россейни чемпионатларында, Иван Поддубныйны мемориалында алчы жерлеге дайым чыкъгъанлай турады, Европалы, халкъла  аралы, дуния даражалы эришиуледе хорлагъанланы санына кирмей къалмайды. Россейни тутушуудан жыйымдыкъ командасыны баш тренери Гоги Когуашвили аны усталыгъына бийик багъа бичеди, ол умутландыргъан спортчу болгъанын белгилейди.

Жерлешибиз Емельян (Эмиль) Биткаш каратеде болдургъан жетишимлери бла белгилиди. Ол Россейни чемпионатында хорлагъанды, эришиуню эм иги спортчусуна да саналгъанды. Бу жетишими бла ол кесине Берлиннге Европаны чемпионатына къатышыргъа жолну ачханды, Германияда да анга жетген чыкъмагъанды.

Бабугентден Герийланы Руслан, спорт бла гитчелигинден кюреше, каратеде, бютюнда уа къол тюйюшде жетишимлери бла белгилиди. Республика, округ, къырал даражалы эришиуледе ол хорлагъанланы къауумуна дайым киргенлей тургъанды. Къол тюйюшде сермешлерин болжалдан алгъа хорлам бла аз кере бошамагъанды. Бийик усталыгъы, хорламгъа итиниулюгю ахшы эсеплеге да келтиргенди – анга Россейни спортуну устасы деген ат берилгенди.

 Ханты-Мансийскде ауур атлетикадан Россейни чемпионаты бардырылгъанды, анда кюмюш майдалны Балаланы Хас-Магомед къытханды.