Право

Кёп болмай Россейни МВД-сыны Зольск районда наркотиклени жюрютюуге контроль этиу къауумуну келечилери оператив-излеу ишлени кезиуюнде гурушхалыкъ туудургъан Светловодское элде 19-жыллыкъ жашны тутхандыла.

Кёп болмай Россейни МВД-сыны Черек районда бёлюмюнде полицияны энчи автотранспортуна тынгылы къаралгъанды. Аны магъанасы – профилактика халда жолда аварияладан эм башха хаталадан сакъларгъады. 

2023 жылда Къабарты-Малкъарда 1795 юйюр аналыкъ капиталны жашау-турмуш болумларын игилендириуге хайырланнгандыла. Аны бла байламлы Социал фонд юй ишлеген организацияланы, банкланы, жашау журт кооперативлени эм фатар неда юй сатхан адамланы счётларына бир миллиард сомдан артыкъ ахча кёчюргенди.

Сабийден ауурлулугъу болгъанлай 30 ыйыкъдан сора  тиширыу консультацияда болжаллы халда ишлеялмагъаныны юсюнден къагъыт алыргъа,  сабий сакълагъаны эм тапханы ючюн отпуск берилирча заявление жазаргъа керекди. Андан сора къырал фондну юсю бла анга пособие тёлерге борчлуду. Ол сабий сакълау эм табыу тап бара эсе, 140 календарь кюн ючюн (70 кюн сабий тапхынчыгъа дери эм 70 кюн бала туугъандан сора) берилликди. Сабий табыу къыйын ёте эсе неда «кесарево сечение» этерге тюшген эсе, ахча 156 кюн ючюн тёленирикди (70 кюн сабий тапхынчыгъа дери эм 86 кюн бала туугъандан сора).

Россейни Пенсия фонду тиширыугъа пенсиясын тохташдыргъан кезиуде сабийлеге къарагъан кезиуюн да санайды, ол ананы урунуу стажына киреди. Аны ючюн ЗАГС-дан балала туугъанларыны юсюнден кёрюмдюле, аналыкъ капиталны хайырланыу неда Президентни указларына кёре берилген тёлеулени юслеринден информация алынады.

Планнга кёре пенсияларына жангызда ишлемеген инсанлагъа къошулады. Алыкъа уруннганлагъа  индексацияла аланы  энчи счётларында (ИЛС) эсепленедиле, алай айлыкълары да  кёбейтилмей бериледи.  Ызы бла ала ишден чыкъгъанларындан сора, битеу индексацияла тергеледиле, тёртюнчю айдан а адам пенсиясын, ала да къошулуп, толу ёлчеми бла аллыкъды, ол санда аны аллында юч ай ючюн да. 

Бу кюнледе Россейни МВД-ны Элбрус районда автоинспекторлары, муниципалитетни келечилери эм журналистле да къатышып велосипедледе жюрюгенлеге къоркъуусузлукъну жорукъларындан билдирирча акция бардыргъандыла.

Кёп болмай Россейни МВД-сыны КъМР-де кеси къоркъуусузлукъ управлениясыны ишчилери ФСБ-ны республикада управлениясыны келечилери бла бирге оператив-излеу ишлени  кезиуюнде къолунда ултхасы бла Нальчикде следствие управленияны следователин тутхандыла.

Республиканы медиклери Сюд приставланы федерал службасыны Сыйлы грамотасы эм Ыразылыкълары бла саугъаланнгандыла. Анга аталгъан къууанчлы жыйылыу 1-чи номерли клиника больницада болгъанды, деп билдиргендиле бизге УФССП-ны пресс-службасындан.

Сюд приставланы федерал службасыны КъМР-де Управлениясында «Жумушланы телефон бла жалчытыу къауум» ишлейди. Сюд приставла инсанланы сорууларына жууапла бередиле, керекли ангылатыула этедиле, деп билдиргендиле бизге ведомствону пресс-службасындан.