Политика

Къоркъуулу жукъгъан ауруугъа къажау вакцинация кюч ала барады. Озгъан кюнню ичинде Къабарты-Малкъарда вакцинаны биринчи компонентин 2297 адам алгъандыла, экинчисин - 2146.  

Вакцинацияны толусунлай ётгенлени саны 50 мингден атлагъанды, республикада жашагъан жюз мингден аслам адам вакцинаны биринчи компонентин этдиргендиле.

Нальчикни бек къоркъуулу жукъгъан ауруулагъа къажау госпиталини врачлары билдиргеннге кёре, вакцина салдыргъанланы санында эки-юч ыйыкъны ичинде коронавирусха къажау антитела чыкъгъан эселе, аллайланы ичинде ауур ауругъанла жокъдула. 

КъМР-ни Башчысы Казбек Коков инсанла бла приём бардыргъанды. Къабарты-Малкъарны Башчысы бла тюбешиуге Нальчикде, Бахсан, Эльбрус эм Прохладна районда жашагъанла келгендиле. Ала къолайсыз кёп сабийли юйюрледен эм жашауларында къыйын болумлагъа  тюшген инсанла эдиле. Тилеклени асламысы уа жашау болумларын игилендиририу бла байламылы эм бийик технологиялы медицина болушлукъ кереклиле болгъандыла.

КъМР-ни – 100-жыллыгъына

Кавказны халкълары Россейге къошулгъанлары бла регионда уллу тюрлениуле башланнгандыла: административ, политика, сюд, культура, билим бериу, илму, интеллигенцияны хазырлау эм башха сфералада да. Кавказ къазауатдан сора башланнган жангычылыкъланы юслеринден биз РАН-ны Къабарты-Малкъар илму арасыны гуманитар тинтиулени институтуну этнология бёлюмюню башчысы, тамата илму къуллукъчу, тарых илмуланы кандидаты, доцент  Дмитрий Прасолов бла   ушакъ бардыргъанбыз.

Россейни кюнюнде КъМР-ни Башчысы Казбек Коков къууанчлы халда тюрлю-тюрлю сфералада жетишимле болдургъан жерлешлерибизге къырал саугъала бергенди. Белгиленнгенлени араларында уа Юсюпланы Исмайылны жашы Мусса да бар эди. Ол кёп жылланы бет жарыкълы уруннганы ючюн КъМР-ни Сыйлы грамотасына тийишли болгъанды. 

Сабийлени къоруулауну халкъла аралы кюнюнде Парламентни спикери Татьяна Егорованы башчылыгъында депутатланы къаууму Прохладныйде сабий-юй интернатда тургъан балачыкълагъа къонакъгъа баргъандыла.

1 апрельден башлап, Россейде машинаны жюрютюрге эркинлик бериуню низамы тюрленнгенди. Энди праволаны алыргъа сюйгенле  автодромда экзамен берлик тюйюлдюле.  Къырал автоинспекторла автошколну бошагъанла машинаны шахарда къалай жюрюте билгенлерин сынарыкъдыла. 

Социал пенсиялагъа индексация, тютюнлени багъаларын тохташдырыуну низамы, товарлагъа маркаланы салыу – жылны аллындан бери  кючюне къаллай законла киргендиле.

1 апрельден социал пенсиялагъа 3,4 процентге индексация этилгенди. Бу ахча ишчи  стажы жетмей, страховой пенсия алмагъан инсанлагъа, сакъатлагъа тёленнгенин белгилерчады.

 Индексация пенсиячыгъа жашау этерге жетерик  ахчаны эки жылны ичинде ёлчемине кёре  саналады.  Алай бла ахча къошулгъандан сора социал пенсия къыралда орта эсеп бла 10 183 сом болгъанды.  

РФ-ни Конституциясына тюзетиуле бла байламды битеуроссей къол кётюрюу 22 апрельде бардырыллыкъды. Ол солуу кюн боллукъду, инсанла къыралны Баш законуна тюрлениулени юслеринден оюмларын эрттенликде 8.00 сагъатдан ингирде 20.00 сагъатха дери белгили эталлыкъдыла.

Алай бла жамауат законнга тюзетиулени къабыл кёрсе, ол кюн окъуна ала барысы да кючлерине кирликдиле. Ол санда Президентни бир-бир полномочияларыны Федерал Жыйылыугъа берилгенлери да.

9-чу  майда битеу россейли халкъ  совет къырал Уллу Ата журт урушда  фашист Германияны хорлагъанын белгилегенди.  Москвада, Къызыл майданда, тёреде болуучусуча,   парад бардырылды, урушда ёлген аскерчилени къабырларына аланы сабийлери бла туудукълары гюлле салдыла, байрам хантланы артында олтуруп, Хорламны келтирген жигитлени эсгерип, ала   ючюн алгъыш аякъла кётюрюлдюле.    Керти да бу халкъ байрамды,      къууанчны эм кёз жашланы бирге туудургъан кюндю.

КъМР-ни Башчысы Казбек Коков Север флотну келечилери бла бирге  А.Г.Головкону атын жюрютген скверде терекчикле орнатыугъа эмда адмиралны  эсгертмесине гюлле салыугъа къатышханды.

Республиканы оноучусу бу кюнледе Россейни регбиден чемпионатыны ахыр эришиулерине къатышыр ючюн Нальчикге келип тургъан тенгизчилени жюрегинден къызыу алгъышлагъанды. Айтхылыкъ аскер башчы Арсений Григорьевич Головкону эсде тутханлары, флотну махтаулу аскер тёрелерин сакълагъанлары ючюн жюрек ыразылыгъын билдиргенди эмда спортда бийик жетишимле тежегенди.