Политика

Къабарты-Малкъарны Башчысы Казбек Коков КъМР-ни Наркотиклеге къажау республикалы комиссиясыны жыйылыуун бардыргъанды. Ары КъМР-ни Парламентини таматасы Татьяна Егорова, КъМР-ни Правительствосуну Председатели Мусукланы Алий, РФ-ни Президентини СКФО-да толу эркинликли келечисини аппаратында КъМР-де баш федерал инспектор Тимур Макоев, республиканы Правительствосуну келечилери, надзорлукъ этген, право сакълагъан эм кюч структураланы таматалары къатышхандыла.

КъМР-ни Башчысы Казбек Коков телеграм-каналында Росгвардияны аскерчилерин, къуллукъчуларын эм ветеранларын профессионал байрамлары бла алгъышлагъанды:

28 мартда бирлешген Къабарты-Малкъарны санында малкъар халкъны къыраллыгъы къайтарылгъанлы 65 жыл толады.

Казбек Коков КъМР-ни Башчысында Маданият эм искусство жаны бла советни биринчи жыйылыуун бардыргъанды. Совет республиканы таматасыны оноуу бла 2021 жылда ноябрьде къуралгъанды. Аны къауумуна белгили артистле эм театр ишчиле, алимле, архитекторла эм суратчыла, композиторла эм жырчыла, чыгъармачылыкъ коллективлени таматалары, культура ишде къураучула, бёлюмню ветеранлары эм жаш тёлю киргенди, битеу да бирге 32 келечиси. Советге башчылыкъны Казбек Коков этеди.

Къабарты-Малкъар Республиканы Башчысы Казбек Коковну буйругъу бла къуралгъан Битеулю билим берген организацияланы мекямларына тынгылы ремонт этиу жумушлагъа къарагъан комиссияны биринчи жыйлыуу къуралгъанды. Тюбешиу комиссиягъа председательлик этген КъМР-ни Правительствосуну вице-премьери Марат Хубиевни таматалыгъында бардырылгъанды, ары министерстволаны келечилери, шахар округланы эм муниципал районланы оноучулары къатышхандыла.

Россейни Президенти Владимир Путинни буйрукъларыны чегинде Къабарты-Малкъар Республиканы Башчысы Казбек Коков къыралгъа санкцияла басынчакълыкъ этген кезиуде КъМР-ни экономика эм социал тутхучлулукъну жалчытыу жаны бла координация штабыны видеоконференция халда жыйылыуун бардыргъанды. Анга КъМР-ни Правительствосуну Председатели Мусукланы Алий, аны орунбасарлары, министерстволаны таматалары, муниципал администрацияланы оноучулары къатышхандыла.

  Казбек Коков Къабарты-Малкъарны Башчысында Жаш тёлю политика жаны бла  советни биринчи жыйылыуун бардыргъанды.

Къабарты-Малкъар Республиканы Башчысы Казбек Коковну таматалыгъында Бахсанда КъМР-ни Терроризмге къажау комиссияны тышында къуралгъан кенгертилген жыйылыуу бардырылгъанды. Повесткагъа жер-жерли самоуправление органланы эм терроризмге къажау муниципал комиссияланы ишлерини соруулары къошулгъандыла.

 Къыралыбыз Кърым Россейге къошулгъанлы 8 жыл толгъанын белгилейди. Ол керти окъуна бизни кёп миллетли къыралыбызгъа уллу магъананы тутхан ишди.

   КъМР-ни Башчысы Казбек Коков Россейни Президенти Владимир Путин бардыргъан селектор кенгешге къатышханды. Анда сёз Россей Федерацияны субъектлерине социал-экономика жаны бла тутхучлулукъ этиуню юсюнден баргъанды