Жамауат

Юйню, фатарны сатханда, алгъанда, аланы саугъагъа бергенде неда анда хаух жашагъанда тюрлю-тюрлю справкала бла документле изленирикдиле. Республиканы Кадастр палатасында юйню иеси сатыугъа къалай хазырланыргъа кереклисин ангылатхандыла.

Къайсы халкъны да тили айныр эмда ёсюп келе тургъан тёлю аны бла тийишли даражада хайырланыр ючюн, айхай да, устазла салгъан къыйын энчиди. Бюгюннгю ушакъ нёгерибиз Тёппеланы Ханифа да аллайларыбыздан бириди. Ол Нальчикни экинчи номерли лицейинде жыйырма жылдан аслам заманны малкъар тилден бла адабиятдан дерсле бере, КъМР-ни Жарыкъландырыу, илму эмда жаш тёлюню ишлери жаны бла министерствосуну, шахар администрациясыны билим бериу департаментини да дипломларына, саугъаларына тийишли болгъанлай келеди.

Кёп болмай  UI GreenMetric World University Ranking рейтинг агентствону  эсеплерине кёре, Къабарты-Малкъар къырал университет биринчи кере жер жюзюню  «жашил» университетлерини тизмесине къошулгъанды.

Бюгюнлюкде Миллет библиотеканы архивлеринде газетибизни алып, къалам къарындашларыбыз кёп жыл мындан алгъа кимлени юслеринден жазгъанларын тинтип башласанг, кёп сейир адамланы къадарлары бла шагъырей боласа. Ол адамла тукъумунгу келечилери эселе уа, сени эсинг битеу ол материалгъа бериледи. Газетибизде  1969 жылда басмаланнган «Колхоз къурулушну ветераны» деген статьясында урунууну алчысы Таппасханланы Чажуну юсюнден хапарланады. Ол республикада колхозланы къуралыуларына уллу къыйын салгъанладан бири болгъанды.

Кеслери иш къурагъанлача эсепге туруп, эл мюлк бёлюмде уруннганланы гражданланы къыйынларын хайырланыуда право жаны бла чыкъгъан сорууланы сюзгендиле федерал налог службаны КъМР-де Управлениясында. 

Жангы жылны байрамы жетип келеди. Кёпле аны пиротехниканы хайырлана белгилерге сюедиле. Жарсыугъа, ала бла байламлы кёп жарсыулу ишлени да билебиз. Аны сылтауу уа фейерверклени тийишли къагъытлары болмагъан сатыучуладан алыуду. Быллай продукцияны тийишли сертификатлары болгъанладан алыргъа керекди. Нек дегенде быллай тюрлю товарны кереклисича сакълау бек магъаналыды. Ол мылы неда бютюнда къургъакъ жерледе турургъа жарамайды.

Пенсия фондну регионда бёлюмюнден эсгертгенлерича, планнга кёре пенсияларына жангызда ишлемеген инсанлагъа къошулады. Алыкъа урунгъанланы индексациялары энчи счётларында (ИЛС) эсепленедиле, алай айлыкълары кёбейтилмей бериледи. Ала ишден чыкъгъанларындан сора битеу индексацияла тергеледиле, тёртюнчю айдан а адам пенсиясын, ала да къошулуп, толу ёлчеми бла аллыкъды, ол санда аны аллында юч ай ючюн да. 

Дунияда, баям, адам улуну эм къыйматлы ышаны – ол аны жандауурлугъуду, къатындагъылагъа къайгъыра, къыйналгъанлагъа себеплик тапдыра билиуюдю. Социал ишчини усталыгъы бу затла бла къысха байламлыды. Чочуланы Жансурат да Нальчикде къартланы бла инвалидлени жумушларына къарагъан социал араны бёлюмюню специалистиди. Биз, анга тюбеп, бир къауум соруугъа жууап беририн тилегенбиз.

Къайры барсанг да – билгичлени хапары…адам не зат билликди келлик заманланы юслеринден? Бир зат да угъай. Огъесе…Биз сабийлигибизде терк-терк эшитип тургъанбыз Огъары Малкъарда тилек этген жер болгъанын. Сабийлери болмагъан тиширыула ючюн билгич ол жерге барып тилек айтханды. Битеу башха къыраллада да бардыла аллай сыйлы жерле. Сёз ючюн, Петрич шахардан сегиз километр узакълыкъда Рупите элни къатында къабырлагъа дунияны кёп жерлеринден келген адамла жыйыладыла. Рупите Кожух деген жер эрттегили уллу вулканны кратериди. Шёндюге дери да андан бюркюп чыгъып турады тылпыулу гара суу.

Гепард дунияны башында бек ариу жыртхыч жаныуаргъа саналады. Кеси да бек женгил затды. Уугга айланнганында, кийиклени ызларындан сагъатны ичинде жюз километр терклик бла къууады. Бу орта азиялы таз деген уучу итлеге ушашлы иничке узунаякъ «киштик» Африканы къуу ёзенлеринде, Юг-запад Азияда тюбейди. Гитчелигинде адам къолуна тюшсе, бек женгил юйюрсюнеди.