|
Жамауат
26 декабря, 2022 - 08:10
«Россети Шимал Кавказ» компанияны тёлеу сервислерин хайырланыучуланы саны Къабарты-Малкъарда кёпден-кёп бола барады, дегендиле аны регионда бёлюмюню пресс-службасында. Сайтда «Энчи кабинетден» сора да, абонентлеге деп «Свет онлайн» приложение чыгъаргъандыла. Бу айны биринчисине аны бла абонентле 15 минг кере тёлегендиле. Ахча бла тергегенде, энергокомпанияны счётуна ол халда 14,5 миллион сом тюшгенди.
25 декабря, 2022 - 15:38
Нальчикде Ара базарны тийресинде Ленин атлы проспектде 57-чи эм Ахохова орамда да 96-чы номерли юйледе орналгъан Сбербанкны банкоматларын кетергендиле. Аланы орунуна башхаларын салыргъа план жокъду.
25 декабря, 2022 - 15:38
Къалай келеди сюймеклик адамгъа? Не затды ол? Бу соруугъа жууап психиатр Текуланы Виола бергенди.
25 декабря, 2022 - 14:30
Сабийликлеринде Къазахстанны шёндюгю президенти Нурсултан Назарбаев бла Хаджиланы Хусей шуёхлукъ жюрютгенлерини юсюнден эшите тургъанбыз. Республиканы алгъыннгы президенти кесини жашаууну юсюнден эсгериулеринде да жазгъанды таулу шуёхуну юсюнден.
25 декабря, 2022 - 12:00
«Россети Северный Кавказ»-«Каббалкэнерго» биригиуден билдиргенлерича, арт заманда Къабарты-Малкъарда жашагъанла электрокюч ючюн дистанция амал бла тёлеген сервислени тири хайырланадыла.
25 декабря, 2022 - 09:05
Связь бла жалчытхан операторланы арасында биринчи болуп, МегаФон компания Чирик кёллени тийрелеринде LTE мобильный сеть къурагъанды. Алай бла энди ол тийреледе солуу базалада, кёллени тёгереклеринде да терк ишлеген интернет барды, деп билдиргендиле КъМР-ни Цифралы айнытыу министерствосундан.
25 декабря, 2022 - 08:10
Россейни Экономиканы айнытыу министерствосу «Эм иги муниципал сынам» деген конкурсда «Муниципал экономика эм финансла» эмда «Къыйматлы байламлыкъланы жалчытыу» номинациялада хорлагъанланы тизмесин туура этгенди. Аны юсюнден КъМР-ни Правительствосуну интернетде порталында айтылады.
24 декабря, 2022 - 15:00
Боламыды аллай зат: сабий барды, документлери уа жокъду? Болады. Шёндюгю дунияда кёп ата-анала жууаплылыкъ дегенни билирге сюймейдиле. Юйюр жашау а бек алгъа ол сезимле бла байламлыды.
24 декабря, 2022 - 12:25
Къауум жыл мындан алда жумуш чыгъып Владикавказгъа барыргъа тюшеди. Аны, онтогъузунчу ёмюрню экинчи жарымында къызыл кирпичден ишленнген юйлерине къарай, эски орамларында айланама. Аланы эки жаны бла трамвайла жюрюйдюле. Кенг ызны арасы бла уа узун аллея барды. Анда орналыпды эски театр да. Мында тау бий Абай улу Солтан-Бек жыя къобузуну аламатлыкъ макъамы бла адамланы сейирге къалдырып тургъанды.
24 декабря, 2022 - 12:00
Бюгюннгю ушакъ нёгерим Батчаланы Юсуфну жашы Мухамматды - Къарачай-Черкес Республиканы муфтийини орунбасары эмда Ислам институтну ректору. Ол малкъарлылада бла къарачайлылада тюбей тургъан проблемаланы кётюреди, аланы болгъанларына таза да жарсып, оюмларын айтады.
Страницы
|