Къырал даражалы эришиуге къатышырыкъдыла

Нальчикни алтынчы номерли битеулю билим берген мектеби «Жетишимни технологиясы» деген Битеуроссей олимпиаданы регион урумунда алчы болгъанды. Школ сагъынылгъан олимпиаданы федерал кезиуюне республикада сайлаула бардырылгъан бёлюмде проектин къоруулап, анда кереклисича бир баллгъа тийишли болгъаныны себебинден къатышырыкъды.

Сайлаула уа искусство, спорт, билим бериу эмда илму жаны бла хунерли сабийлени ачыкълагъан эмда алагъа тутхучлулукъ этген «Антарес» арада озгъандыла. Алтынчы номерли мектепден къауумну да алагъа куратор – информатикадан устаз Елена Корнеева хазырлагъанды.

Олимпиаданы федерал уруму Перьм шахарда озарыкъды. Ол кеси да, юч жылны ичинде Россейни Президентини оноуу бла Илмуну эмда технологияланы онжыллыгъыны чеклеринде бардырылып, «Искусство-Технология-Спорт» атлы Битеуроссей даражалы Уллу олимпиаданы бир кесегине бурулуп къалгъанды.