Котельняланы ишлеулерине къарагъандыла

Фатарланы жылытыу кезиу башланнганы бла байламлы МЧС-ни республикада бёлюмюню келечилери котельнялада бла жылыу бериу системагъа кирген башха организациялада къоркъуусузлукъ къалай жалчытылыннганына къарагъандыла.

Нальчикде надзор эм профилактика ишни бардырыу жаны бла бёлюмню инспекторлары ЖКХ объектлеге да баргъандыла, аланы башчыларына бла ишчилерине норматив документледе газ оборудование бла хайырланыуну юсюнден салыннган излемлени эсгертгендиле. Андан тышында, организациялада бла котельнялада къыйын болумну юсюнден билдириу системаланы, отну ёчюлтген приборланы бузукълукъсуз ишлегенлерин бла къалгъанларын тинтгендиле, ангылатыула этгендиле, соруулагъа жууапла бергендиле.

 Сууукъла башланнганы бла инспекторла юйлени бла фатарланы иелерин котёлланы бла печьлени, тютюн чыкъгъан каналланы тийишлисича хазырларгъа чакъырадыла. Быллай кезиуде къоркъуусузлукъгъа, эм алгъа, инсан кеси жууаплыды, къыйын болмагъан жорукъланы унутмазгъа тийишлиди.