Къырал Башчы республиканы байрам бла алгъышлагъанды

Жюрегими теренинден сизни Къабарты-Малкъар Республиканы 100-жыллыгъы бла алгъышлайма.

 Республиканы къуралыуу россей къыраллыкъны кючлеуде, халкъланы къадарларында уллу магъананы тутханды, Къабарты-Малкъарда тургъанла уа Шимал Кавказны эм ариу регионларындан бириде жашайдыла.

Сиз белгили адамларыгъыз эм кёп тёлю жерлешлеригиз болдургъан жетишимлеригиз бла ёхтемленирге боллукъсуз, ала атларын иги бла айтдырып, Ата журтну урунуу летописине тийишли юлюш къошуп, илмуну,искусствону, билим бериуню айнытыугъа уллу къыйын салгъандыла. Белгилерчады, сиз бир жерде болмагъанча бай тарыхны, ниет эм маданият хазнагъызны аяулу сакълайсыз, буруннгулу адетлеригизге бла тёрелеригизге жаш тёлюню юйретесиз. Бюгюнлюкде республика эл мюлк, производство эм туристлени алыу жаны бла аслам иш бардырады. Мында тынгылы инвестицияланы сингдириу жаны бла аламат онгла къураладыла, социал жаны бла уллу проектле бардырыладыла, транспорт инфраструктура тийишлисича айныйды.

Битеу ол магъаналы эм заманны излемине кёре тамамланыргъа керекли борчланы толтурууда Къабарты-Малкъарны эм саулай Россейни сейирлери ючюн жетишим болдуруругъузгъа ийнанама. Сизни барыгъызгъа да монглукъ эм ахшылыкъ тежейме, дегенди РФ-ни Президенти Владимир Путин алгъышлау сёзюнде.

.