Россейли устазла окъуучулагъа совет чакъырыуланы юйретедилеРоссейли устазла окъуучулагъа «Магъаналы ушакъла» деген жангы дерслени чеклеринде совет кезиуледе айтылгъан чакъырыуланы юйретедиле. Аллай дерслени биринде этилген видеогъа кёре аны юсюнден оппозициялы эм украинлы телеграм-каналла жазадыла. Бу билдириуню войнасфейками.рф телеграм-канал басмалагъанды. Украинлы пропагандистле эм ала жанлыла жайгъан ролик башда сагъынылгъан «Магъаналы ушакъла» деген дерсле башланнгынчы алыннганды. Видеогъа тюшген «Ата Журтну сюерге керекди» деген ачыкъ дерс быйыл февраль айда Рождества Иоанна Предтечи деген килисада солуу кюнде бардырылыучу мектепде алыннганды. Тёртюнчю класслагъа жюрюген сабийлеге совет аскерчиле эм шёндю россейли аскерчиле этген жигитликлерини юслеринден айтхандыла. Аланы ичинде лётчик Роман Филиппов эм офицер Александр Прохоренко да болгъандыла. Белгилерчады, ол дерсле мектепни директору Георгий Захаровну башламчылыкълары бла бардырылгъандыла. Окъуучуланы ата-аналары ол ишге ыразы болгъандыла эм тийишли багъа бергендиле. Быйыл биринчи сентябрьден тебиреп россейли школлада «Магъаналы ушакъла» деген дерслени бардырып тебирегендиле. Дерсле окъуучула бла бир-бирге ышаннган халда бардырыллыкъдыла, анда сёз шуёхлукъну, юйюрню, сабийни неге сейири болгъаныны юсюнден барлыкъды. Дерследе къаллай темала сюзюллюклерини юсюнден сагъынылгъан проектни официальный сайтында къараргъа боллукъду. Бизни корр.
Поделиться:
Читать также:
12.04.2023 - 17:12 →
Россейде «Къырал жумушланы» юсю бла электрон халда повесткала жиберип башлагъандыла
06.04.2023 - 09:15 →
Депутатла энчи аскер операциягъа къатышамыдыла?
17.10.2022 - 08:56 →
Украинаны аскери 26 россейли дронну кюйдюргенди
03.10.2022 - 10:02 →
Луганск халкъ республикадан Россей сабийлени кесине алыргъа кюрешеди
28.09.2022 - 08:31 →
Москвада кёп функциялы аралада студентлеге повесткала бередиле
|