Энергетиклени ишде ачымазгъа юйретедиле

«Россети Шимал Кавказ» компанияны бизни республикада бёлюмюнде – «Каббалкэнерго» предприятияда «Vizion Zero» концепцияны сингдириу тренингле башланнгандыла. Аны чеклеринде специалистлени ишде ачымазча тийишли жорукълагъа юйретедиле.

Билим бериу сессияны башлай, компанияны тамата инженери Виктор Абаимов ишчилени саулукъларын, жашауларын къоруулар амалла табаргъа чакъыргъанды. Аны бла бирге адамла къоркъуусузлукъгъа игирек эс бурурча, ишде ачыгъан дегенден къутулурча да этерге.

Компанияда айтханларыча, аланы ишчилери производствода ачымазча кёп тюрлю мадар этиледи. Алай дагъыда къоркъуула чыгъа тургъанлары ючюн, ол системаны андан ары игилендирирге кереклиси баямды.

Бу тренинглени юсюнден айтханда уа, беш кюнню ичинде алагъа «Каббалкэнергону» 475 специалисти къатышырыкъдыла. Окъууну онсегиз «Vision Zero» тренер бардырлыкъды.