Терроризмге къажаулукъларын эришип кёргюзтгендиле

Республиканы Спорт министерствосу билдиргеннге кёре, бу кюнледе «Нальчик» спорткомплексде грек-рим тутушуудан «Спорт терроризмге къажауду» деген республикалы турнир бардырылгъанды. Ол 2009-2011 жылда туугъан жаш спортчуланы араларында ётгенди. Ары Къабарты-Малкъарны районларындан 250-ге жууукъ спортчу къатышханды.

Биринчи болгъанланы араларында Туугъанланы Тамерлан (35 кг.), Тохаланы Альберт (41 кг.), Урчукъланы Къурман (52 кг.), Къудайланы Арсен (62 кг.), Темерчиланы Темерлан (38 кг.) да бардыла.

Эфендиланы Азамат (24 кг.) бла Гайыланы Мансур (57 кг.) экинчилени санындадыла. Ючюнчю жерлеге уа Айтекланы Муслим (26 кг.), Балаланы Алий (38 кг.), Атаккуланы Алий (52 кг.), Отарланы Залим (48 кг.) чыкъгъандыла.

Финалистлеге кубокла, майдалла, грамотала эм багъалы саугъала берилгендиле.

 

 

Додуланы Мадина.
Поделиться: