Энчи аскер операция бардырылгъан тийреден къайтхан росгвардиячылагъа - ыразылыкъ сёзле

Энчи аскер операция бардырылгъан жерледен Къабарты-Малкъаргъа аскерчиле, КъМР-ни тийресинде орналгъан бёлюмлени келечилери  къайтхандыла. Аны юсюнден кесини телеграм-каналында КъМР-ни Башчысы Казбек Коков билдиргенди.

«Операция башланнгандан бери жашла Ата журтубузну, Донецк эм Луганск халкъ республикаланы жамауатын къоруулау аскер борчларын сый-намыслары бла жигитлеча толтургъандыла. Салыннган борчланы жетишимли толтургъан, Ата журтубузну сейирлерин къанларын-жанларын аямагъанлай къоруулагъан битеу аскерчилерибизге, энчи бёлюмлени ишчилерине ыразылыгъымы билдиреме», - деп айтылынады публикацияда.