КъМР-ни Башчысы Казбек Коков Зумакъулланы Борис бла тюбешгенди

КъМР-ни Башчысы Казбек Коков  Къабарты-Малкъар Республикада Адамны эркинликлери жаны бла уполномоченный Зумакъулланы Борис бла ишчи тюбешиу бардыргъанды. Анда озгъан жылда   инсанланы эркинликлерин къоруулау жаны бла бардырылгъан ишни эм муратларыны юсюнден соруула сюзюлгендиле.

Зумакъулланы Борис белгилегеннге кёре, уполномоченныйни иши къырал власть органла бла къаты байламлыкъда бардырылады.

 «Инсанны праволарын къоруулагъандан сора да, аллай проблемаланы мындан арысында тыйгъычсыз тамамларгъа керекди, нек дегенде, башха адам дагъыда къайтып аллай болумгъа тюшерге боллукъду», -дегенди уполномоченный.

 Адамны эркинликлери жаны бла уполномоченныйни айтханына кёре, инсанланы асламысы жашау болумларын игилендириу, бийик технологиялы медицина болушлукъну излеп эм урунуу законодательствода болгъан бузукълукъланы тюзету  соруула бла келедиле.  

Казбек Коков Зумакъулланы Борисге жамауатха магъанасы болгъан ишни тамамлагъаны ючюн ыразылыгъын билдиргенди эм уполномоченный институтну магъанасы ёсе баргъанын чертгенди, деп билдиргендиле республиканы оноучусуну пресс-службасындан.

Бизни корр.